陳儀興飯店 (嘉悅)

营业中

休息中

姪仔上完兴趣班, 顺带佢食埋晚饭先返屋企。记起附近有间“陈仪兴”, 之前买过外卖返屋企, 味道唔错, 一于今晚堂食先。平日六点左右, 正是打工仔下班时间, 还好这段时间入座, 冇咁多人。入座随即送上花生、汁料同埋热茶,呢度主打潮州打冷菜, 其中卤水鹅同埋蚝饼定必要order啦!蚝饼: 估唔到份量咁多, 蚝饼加入葱粒再沾蛋浆炸起, 即叫即炸, 虽然表面偏油, 不过极为脆身, 很有蛋同埋葱嘅香口; 蚝仔粒粒饱满, 富有蚝香味, 唔腥; 卤水鹅: 鹅唔算好肥, 每件连带少少鹅肉, 肉质嫩滑, 有鹅香味, 而且入味得黎唔会过咸, 垫底有几件好滑嘅卤豆腐。糯米酿大肠: 将糯米酿入大肠, 切片再炸, 每件表面金黄微脆而不油, 糯米偏林, 一咬比较散, 但充满糯米香, 沾上甜酸嘅柑橘柚, 味道更加提升。望到menu有两款炖汤,同姪仔一人一碗, 两款炖汤都很足料, 很有家的味道。茶树菇杞子圆肉炖乌鸡: 香菇味很出, 汤底有dd咸, 清清地, 好滋阴。姬松茸无花果雪耳鸡汤: 汤底极为清香清甜, 雪耳尽索了汤, 入味又够林。