陳儀興飯店 (嘉悅)

營業中

休息中

陳儀興飯店一直都好多人食，每次食都要出面等位，今次都唔例外，去到已經見到出面有唔少人等緊位。呢間餐廳以潮州菜為主打，真係有超多款式選擇，由海鮮到各種肉類都有好多選擇。———————————————🌟椒鹽鱔球 $198呢款椒鹽鱔球真係香脆得黎又入味，外皮炸到金黃香脆，一啲都唔油膩，內裡嘅鱔肉仲保持住嫩滑同鮮味，骨亦都唔多咬落去啖啖肉咁，每一啖都食得出鱔球嘅彈牙口感。配合椒鹽嘅輕微辣味，食落更加惹味。🌟鹵水鵝片 $168呢道鹵水鵝片係陳儀興嘅招牌菜，黎到一定要試。鵝片浸滿咗濃郁嘅鹵水汁，鵝肉嫩滑多汁，皮嘅部分仲帶有少少膠質感，食落口感豐富。每片鵝肉都切得剛剛好，唔會太厚或者太薄，真係一口滿足。🌟潮式金不換魚露蟶子 $78/隻呢道蟶子應該都係可遇不可求唔係日日有，每隻蟶子都係大大隻，真係超肥美又鮮甜。魚露嘅鹹香同金不換嘅獨特香氣完美融合，令到蟶子更加鮮味十足。我見其他食客仲可以用其他煮法，大家都可以先詢問有咩做法再決定，但咁靚嘅蟶子真係點整都咁好味。🌟剁椒蒸家雞 $95剁椒蒸家雞係一道非常有層次嘅菜式，剁椒嘅辣味滲入咗雞肉入面，令到每一口雞肉都又香又辣，而且雞肉嫩滑，完全冇乾柴嘅感覺。呢道菜

🌈將軍澳嘅潮州舖頭 喺馬路對出 好大個招牌 容易尋找👍餐廳有大枱同埋大量四人枱 係家庭聚會嘅好選擇👶👧🧒👦1/ 食潮州嘢，咁梗係要嗌個滷水先🟫滷水鵝片無羶味，鮮味突出🤤😄而且鵝片係薄薄的，切得均勻一致，紋理亦都好細緻，肉質一啲都唔粗糙🪿2/ 椒鹽白鱔，平時都係食蒸白鱔多，第一次食炸嘅椒鹽白鱔，香口又特別😗😉淡水白鱔肥美，肉質炸完都好富有彈性，無泥腥味，點啲醬油更加惹味😉😉3/ 蠔餅亦都係食潮州嘢必點嘅🍪蠔仔嘅份量都幾大 餅亦炸得夠香夠脆 點少少魚露啱啱好🦪4/ 沙嗲牛肉炒芥蘭好大碟😉☺️牛肉鋪滿哂成個碟 沙嗲味濃郁 牛肉腍甜☺️🥩直程想叫多碗公仔麵🤣芥蘭都炒得夠香 🥦5/ 潮州蠔仔粥 嗌一碗都夠分 好大碗啲湯熱辣辣好飲 米粥有口感蠔仔鮮甜🦪🍜6/ 🍬最後叫埋個甜品 叫做脆皮落湯錢呢啲真係潮州正宗嘅小食有八大舊 🍬原來落湯錢亦都叫"膠羅錢"、"軟果"，其實即係用糯米搓成，再煎香餅面，再加上大量嘅花生🥜第一次真係食 感覺好新鮮啊！🥠甜品嚟講真係好飽肚，而且好滿足🍩

過完聖誕，終於可以食返中菜，陪友人返屋企放低血併戰利品後，黎呢間開餐。牆上貼咗張大餐牌，望下就知想食咩。友人未到菜店，就已經講定今餐要食蠔餅。呢度嘅潮州蠔餅 ($98)，有成兩大餅，相當抵食。炸至金黃色，外邊脆卜卜，中間位置全部係蠔仔，隻隻肥嘟嘟，入口有滿滿蠔味，加埋魚露添味道，枱面有支胡椒粉，加少少仲正。趁熱食啦喂………叫咗蠔餅呢D熱辣香口野，配支冰凍Asahi啤酒 ($34)絶對岩數，飲杯。食潮菜，點都唔少得碟鹵水，想啖啖肉唔要骨，叫鹵水鵝片 ($168)就岩我呢D懶人(哈哈…)，底部仲有大荳芽。呢隻鵝大哥應該係玩開健身，皮下無多餘脂肪，肉帶有鹵水味，點醋汁食仲正。呢度嘅清炒時蔬有多種配搭，友人想食麵醬炒唐生菜 ($78)，就咁話啦。甜甜地嘅麵醬掛滿每條脆口唐生菜，同平時以蒜蓉炒嘅又有另一種味道。惹味之選黎個古法啫啫鷄煲 ($95)，除咗有鷄件外，仲有豬潤，再加入大量洋蔥及甜椒，放上枱已聞到香味。豬潤入口無異味，唔嚡; 鷄件就斬成一口鷄，咸咸地幾好送飯。侍應溫提宵夜時段九點後入座藍妹/Asahi 啤酒優惠$25支貼地價錢親民價，下次夜繽紛時再叫。

今晚同朋友去將軍澳陳怡興飯店慶祝平安夜食晚飯，這間飯店係出名嘅地道潮州飯店，以潮式打冷聞名，係港鐵將軍澳站A2出口，行幾分鐘就到。飯店裝修乾淨光猛，枱凳都擺放整齊，令人坐得舒服，店員有禮貌服務態度好，今晚每一個店員都帶住好靚嘅聖誕頭箍，真係好有聖誕節嘅氣氛，我哋坐低店員就介紹我哋飲茶，鐵觀音茶味好香濃有好夠熱氣，之後仲攞咗三款醬汁及花生來，有辣醬、蘿蔔醬、香醋，樣樣醬料都好有香味，好配合來食潮州菜，而花生細細粒非常香脆可口好食，我都未食過咁細粒花生係咁好食，來這裏食非常正。飯店餐牌嘅食物款式好多，有潮州珍品特菜、潮州打冷、潮州小廚、游水海鮮、入氣熱賣、避風塘風味、黃金全景、火辣四川、活蜆、田雞、大鱔、黃鱔、排骨、魚雲、潮州粉麵飯、潮州甜品、飲品，餐牌嘅食物照片都影得好靚，睇落令人好吸引，飯店推介菜式包括鹵水鵝件、鹵水鵝腸，均以鎮店傳統鹵水炮製，我哋就選咗鹵水鵝件、潮州蠔餅、韭菜豬紅、滷水豆腐、藍妹啤酒。🥢招牌陳年滷水鵝片在滷水的浸潤下，肉質細嫩，味道鮮香，滷汁滲透鵝片，味道濃郁而不過鹹，皮滑肉嫩，滷汁香氣十足，並且保留咗鵝肉嘅鮮味，配搭埋芽菜來食，真係食到停唔到口。🥢潮州蠔餅是打冷必吃

餐廳主打各款中菜款式選擇非常之多而且價格親民 夠晒鑊氣性價比非常高香煎蓮藕餅 $98蓮藕餅煎得金黃香脆，蓮藕都算幾多，非常足料，食落口感層次豐富。沙嗲芥蘭牛肉 $98芥蘭炒完之後好爽口，食落唔會有苦澀味。牛肉口感嫩滑，充分吸收哂沙嗲嘅香味。古法啫啫雞 $95即叫即整，上菜時仲熱辣辣，雞肉嘅份量都幾多，肉質鮮甜嫩滑，J啫啫煲嘅調味做得好好，食落唔會好鹹。京都骨 $88京都骨嘅醬汁味道酸酸甜甜，非常開胃，肉質嫩滑細膩，非常惹味。椒鹽鱔球 $198鱔球外層炸得非常酥脆，食落唔會好多骨，都幾易入口，椒鹽味好香，內裏嘅鱔肉嫩滑多汁。脆皮落湯錢 $88呢度甜品幾似糖不甩，表層煎得好香脆，食落非常有嚼勁。

陳儀興飯店將軍澳至善街9號嘉悅地下2-3號舖味道評分:☄️(必食之選)>☀️>🌤>⛅️>💨☄️鹵水鵝片 $168必食！人地招牌一定要試啦🙋🏻‍♀️又淋又滑，輕鬆冇負擔~☀️蒜蓉蒸蟶皇 $78/1隻蟶子皇鮮甜爽口，冇蒸到變老好似橡筋咁，仲要仲到枱仲係大大舊👍🏻☀️椒鹽鱔球 $198第一次食😚咬落去外脆内裏的魚肉彈牙，唔錯！炸衣厚度適中，椒鹽粉落得好足，唔會出現冇味嘅情況😂👍🏻☀️脆盞拔絲咕嚕肉 $108冇骨啖啖肉，舊肉唔係全瘦，有少少肥膏食落更滑更好味，btw依個咕嚕肉唔係加菠蘿，而係用蜜桃😚愛蜜桃嘅我表示開心😂🙈☀️潮州蠔仔粥 $78/碗超多蠔超大碗粥🙈仲要海鮮味好出，天氣凍有得食一碗熱騰騰的粥做晚餐，個胃好舒服☀️脆皮落湯錢 $88原來係煎脆咗嘅燒餅，沾上花生碎等食用的甜品，非常中式~

如果想坐得舒服啲 但係又想食老字號屋企人都力讚 最基本的滷水鵝 一定好食仲有好多經典菜式-焗魚腸蛋白質豐富嘅菜式 魚腸處理得好好味道出色 有少少胡椒味道點綴就連平時好少食內臟的朋友 都覺得幾好食送飯都唔錯椒鹽白鱔肉質非常好 外層椒鹽又香脆，完全沒有泥腥味真係好鍾意食椒鹽 而且價錢好合理滷水鵝 最正係滷水汁 而且鵝不會太肥 鮮味出份量好足夠 加埋墊底的豆腐 大家都好鍾意食潮州嘢，唔少得蠔仔粥 我哋嗌咗一碗粥有豐富的蠔鮮味 仲有好多芫荽香芹點綴仲有我最愛嘅茄子煲仲加入咗黃鱔 價錢又唔貴，118煲仔上熱辣辣 簡直係米飯殺手不知不覺，大家都食咗成碗飯

將軍澳要搵好食嘅中菜真係唔容易， 如果食潮州菜，就會即時諗到陳儀興。 假期真係超爆場， 好在平日夜晚仲可以walk in。 心思思想食潮州鹵水鵝， 放工偷懶唔煮飯， 盡情享受潮州美食， 同埋新鮮海鮮。鹵水鵝片真係好吸引， 厚薄適中的鵝片， 好香鹵水味， 但係又唔會好咸， 質地緊緻嫩滑， 肥瘦均勻。 底層配搭爽脆的大豆芽， 吸收了鵝油鹵水汁精華， 另有一番風味，如果再配埋鹵水豆腐就更加正。海鮮都好新鮮， 大大隻海蝦 、 龍蝦、鮑魚、 同埋游水海魚， 引到我哋想叫多幾款。 椒鹽或者是避風塘風味都係好出名， 師傅處理得好出色。 店面推介咗以下幾款：椒鹽鱔球、避風塘炒蜆、蒜蓉蒸海大蝦🦐重點推薦 椒鹽鱔球， 勁多炸蒜蓉非常之香， 鱔件外層炸到金黃香脆， 肉質緊緻彈牙， 夠鑊氣又夠香脆。 記得真係要趁熱食， 但到最美味嘅效果。避風塘炒蜆， 香香辣辣好惹味， 蜆肉乾淨無沙，勁多辣椒蒜蓉絕不吝嗇， 配支啤酒會更加爽。蒜蓉蒸海大蝦， 新鮮海蝦係特別好食， 蒸熟後橙紅色非常鮮明亮麗， 質地結實緊緻 而且鮮甜美味，配搭蒜蓉、粉絲 、甜豉油、熟油， 味道更加突出， 而且性價比好高，百幾蚊大大碟。到咗甜品時間

一家老字號潮州打冷店，相當受街坊歡迎。鹵水拼盤鹵水拼盤十分適合貪心的我，有墨魚片、腩肉、大腸、紅腸、生腸、豬耳、豬頭肉、鹵蛋和豆腐，非常多花款，甚麼都可以試試。蒜蓉蒸海大蝦蒜蓉蒸海大蝦，蝦肉扎實爽滑，粉絲掛滿蒜蓉，美味。懷舊砵仔焗魚腸這道工序繁複的懷舊菜，現在已不容易吃到，所以有賣就要試試。焗魚腸顧名思義就是蒸焗魚的腸臟，混合魚肝、雞蛋等焗成，以瓦砵盛載著，可配以魚露增加鹹鮮。雖然是腸，但不會有股腥味，甚至不會覺得在吃內臟，所以怕內臟味道的也不妨一試，傳統懷舊菜嘛。椒鹽鱔球鱔球外酥內軟，椒鹽的香氣濃郁，稍嫌鱔肉不夠厚身。魚湯浸活蜆溫度足，湯底清，惟蜆未完全吐沙，因此有進步空間，也是這餐唯一覺得不足的。換了不少新人手，因此服務水準較參差，見到部份較為生手，但整體還是殷勤有禮的。

滷水鵝片嫩滑，而且鬆軟好入味，搭配埋味道香醇嘅滷汁，唔會太鹹，食落口味濃香軟椒鹽鱔球夠哂火喉，椒鹽鱔球好香脆，口感爽脆 ，鱔球肉質好鮮嫩彈牙，椒鹽風味好濃郁好惹味滷水豆腐好滑嫩，完全吸收哂滷水嘅味道，滷水淡香，鹹度適中碧綠川椒雞，雞肉肉質鮮嫩入味！配埋川椒嘅微微辣辣，更加香口惹味！香煎蓮藕餅香脆可口，每啖都食到滿滿嘅蓮藕同埋馬蹄，肉汁好多，帶有鹹香味道脆皮落湯錢質感好似糖不甩咁，外酥內軟糯，都幾特別潮州粥濃郁順滑，有分明嘅飯粒！餐廳舒適寬敞，餐廳裝修充滿懷舊風味，餐廳店員服務態度好友善，抵讚

一家三口去咗陳儀興飯店食潮州菜平日時間都差唔多坐滿人，口碑相當不錯，菜式選擇非常多我哋叫咗幾款小菜，相當滿意，大飽口福香脆鮮魷 $128食潮州打冷必點香脆鮮魷，外層香脆，鮮魷爽口彈牙脆盞拔絲咕嚕肉 $128拔絲咕嚕肉酸酸甜甜好醒胃，肉質幼嫩，我個人喜歡瘦肉，所以略嫌少少肥古法啫啫雞 $95古法啫啫雞鑊氣十足，一上枱已經聞到陣陣雞香，肉質保持幼滑，又惹味椒鹽白鱔 $198椒鹽白鱔炸到剛剛好，酥脆惹味潮州蠔仔粥 $72潮州蠔仔粥非常足料，份量足夠我們三人食，蠔仔鮮甜又大粒，配上冬菜、方魚和肉碎，好味道傳統反沙芋 $88最後是傳統反沙芋，第一次試呢款菜式，又幾特別，薄薄糖霜配香脆芋口， 鍾意食芋頭一定喜歡

跟友人去咗陳儀興飯店，食下呢間CP值高嘅潮州菜，除咗打冷出名，小菜都唔錯架。今次點左幾款特色小菜慢慢嘆下🤗。滷水鵝片，鵝肉嫩滑，配菜有豆腐同芽菜，滷水汁香而不咸，老少咸宜。焗魚腸，好多年冇食過啦，見到呢度有，就即刻落單，上枱時已聞到香噴噴，表面焗到金黃色的很吸晴，內層熱辣魚腸鬆軟，且沒有腥味。椒鹽白鱔，炸得香脆可口，椒鹽味調得恰到好處，白鱔肉有咬口，佐酒很正。豉汁蒸魚雲，魚雲上鋪滿惹味的豆豉，最重要係新鮮好滑溜，喜愛食魚雲的一定要點黎食😉。潮洲蠔仔粥（碗），2人食份量剛好，蠔仔🦪份量都唔少，加點胡椒粉更好吃😋。

為咗食呢間傳統潮州菜走咗入將軍澳就係有幾間兄弟分店嘅陳儀興飯店聽早新蒲崗嗰間就出名邊爐將軍澳呢間就出名打冷✧ 懷舊砵仔焗魚腸（$88）呢個砵仔焗魚腸上枱漲卜卜一cut開啲熱氣湧哂出嚟⊹ ࣪ ˖魚腸處理得非常乾淨 完全冇腥味之前食過其他舖魚腸有啲苦處理嘅時候洗得唔好啲膽汁流咗岀嚟就會咁但陳儀興呢個完全冇～入口香滑 面層脆而內裡充滿蛋香砵仔仲keep住熱辣辣食落暖笠笠 冬天食可能仲正✧ 椒鹽鱔球（$198）一上枱就聞到陣陣椒鹽香味鱔球炸得啱啱好唔會改變咗個鱔嘅肉質 依然係爽同彈牙椒鹽調味恰到好處唔會太鹹✧ 黃金鮮魷（$128）咸蛋黃鮮魷炸得金黃酥脆💛調味惹味 除咗炸漿都有少少咸蛋黃沙沙感鮮魷肉質彈牙 外脆內爽🦑份量亦都唔少 可能有15+嚿✧ 潮州蠔餅（$98）蠔餅煎得好酥脆🦪蠔仔嚿嚿都肥美鮮甜每一啖都充滿蠔嘅鮮味✧ 糖醋煎麵（雙麵黃）（$108）每次打冷都必叫嘅糖醋煎麵一直覺得可以將個麵餅煎完唔會散哂係好高技術含量！煎麵雙面煎得金黃香脆 個麵本身有少少豉油味再DIY加上砂糖同埋醋 酸酸甜甜好開胃✧ 脆皮落湯餞（$88）一個好特別嘅甜品質感比mochi稍硬少少但都仲係軟糯味道方面有驚喜(৹ᵒ̴̶̷᷄́ฅ

間中都鍾意去打冷，陳儀興係bucket list 之一！❣️除左打冷外，仲有海鮮款可以選擇，食豐富d❣️個人推介焗魚腸，的確少有地方做到咁嘅口感同水準🔸焗魚腸$88- 漲卜卜焗到好香，層層蛋嫩香juicy，入面真材實料一條條魚腸！朋友話難得係蛋焗得唔老 🔸三拼拼盤- 大大碟，全部係好入味嘅鹵水，腩肉肥瘦均勻，豆腐超級入味，好濃香🦐瀨尿蝦$238/3 隻- 雖然mark住時價，但價錢都算合理，$238有3隻，每隻都大大隻，配上椒鹽+辣椒好惹味。食落去啖啖肉又鮮甜🔸椒鹽鱔球$198- 粒粒sin肉幾juicy，外層脆香滋味下次想食潮州菜會再去！

在將軍澳區想吃潮州菜 陳儀興絕對是我的心水選擇價錢相宜 服務好 食物選擇多又高品質跟不同朋友來吃過幾次都好滿意潮州馬友魚飯限量供應的 幸運地剛好點到最後一條魚肉肉質嫩滑 魚油好香好豐富點普寧豆醬吃 風味十足滷水拼盤吃潮州菜當然要吃滷水 這裡滷水香而不過咸大大份拼盤 滷肉 墨魚 鵝翼 生腸等等都有椒鹽鱔球脆漿不會太厚 鱔球口感爽脆 椒鹽做法夠惹味香煎蓮藕餅肉餅煎得香脆 加入蓮藕粒吃起來比較爽口胡椒豬肚湯入秋了晚上有點微涼 喝碗胡椒湯暖胃很舒服豬肚份量多又夠厚 吃起來有嚼勁脆皮落湯錢有點像糖不甩 糯米糍煎到兩面金黃更香口吃起來煙韌黏口 沾滿花生粉和糖碎 層次豐富