甜悅

营业中

休息中

💜杏汁桃胶椰皇小丸子个椰皇材料好丰富，啲桃胶同小丸子满满铺咗喺上面。个椰皇隔离跟咗一细壶好浓郁既杏汁。杏汁既份量可以随心加。食完可以滋阴养颜，值得一试！🩵姜汁炖蛋(加雪糕)个炖蛋甜甜地，加埋充满姜味既姜汁简直系绝配！试完姜汁辣辣地，加埋炖蛋就可以中和返啲辣味。我亦都非常推荐加埋另上既雪糕。食完一啖炖蛋，加上一啖雪糕，就可以试埋冰火相融既滋味。💙杨枝甘露 (加芒果雪糕)杨枝甘露既芒果、西米、同碌柚肉都好足料。而且入面用埋新鲜既芒果汁。另外加埋芒果雪糕既话，口感会更加丰富。🧡榴梿班戟个榴梿班戟递上来个阵望落好大个。食落去之后又有好香既榴梿味，而且因为加埋入面少少既忌廉，食完之后唔会觉得太腻，食完之后会觉得好满足！