影片
更多
2023-04-18
2843 浏览
🥰 话说 “暑期工” 番工时同我冇乜两句, 因为睇唔同行业板块, 又坐得远, 又唔玩LOL, 所以唔熟. 毕业几年之后, 佢转睇科技股, 多咗交流, 又多咗睇我写食评.🤗 “暑期工” 心血来潮话请食饭, 拣咗 “月山” 晚市厨师发板, 我反问咗十次: “好贵㖞, 系咪真?”. 虽原因未明, 但值得欣赏.⛩ 餐厅以渔船设计分隔出寿司吧枱位置, 楼底又够高, 气氛格调十分赞. 不过唔知点解, 萦住讲嘢容易俾隔篱枱听到. 今晚点咗 “汐” Shio Omakase, $1988+10%. 清酒贵到拣唔落手, 最后点咗支六佰中嘅…前菜华涟蚝深海池鱼赤贝䲠鱼鲜鱿鱼马粪海胆烧白鳗金目鲷北寄贝平贝炸白虾樱鳟萤光鱿鱼沙甸鱼池鱼, 酱油蛋黑鯥鱼中拖罗大拖罗吞拿鱼蓉海胆A5和牛江户前玉子烧九州清鸡汤舞茸菇北海道赤肉蜜瓜并大福饼🍸 前菜: 听唔清楚明目. 上面一块山葵叶, 唔知做乜, 呢兜嘢包罗万有, 海胆, 幼海鳗, 车厘茄, 梅味素面, 高汤. 老实讲, 乜都沟埋一齐, 唔知想点.🦪 华涟蚝, 长崎县, 又名 “初代王者”. 生蚝厚肉, 忌廉口感, 略带海水味, 裙边部份非常爽口, 整体表现出色.🐟 深
🤗 “暑期工” 心血来潮话请食饭, 拣咗 “月山” 晚市厨师发板, 我反问咗十次: “好贵㖞, 系咪真?”. 虽原因未明, 但值得欣赏.
⛩ 餐厅以渔船设计分隔出寿司吧枱位置, 楼底又够高, 气氛格调十分赞. 不过唔知点解, 萦住讲嘢容易俾隔篱枱听到. 今晚点咗 “汐” Shio Omakase, $1988+10%. 清酒贵到拣唔落手, 最后点咗支六佰中嘅…前菜
华涟蚝
深海池鱼
赤贝
䲠鱼
鲜鱿鱼马粪海胆
烧白鳗
金目鲷
北寄贝
平贝
炸白虾
樱鳟
萤光鱿鱼
沙甸鱼
池鱼, 酱油蛋
黑鯥鱼
中拖罗
大拖罗
吞拿鱼蓉海胆
A5和牛
江户前玉子烧
九州清鸡汤舞茸菇
北海道赤肉蜜瓜并大福饼
🍸 前菜: 听唔清楚明目. 上面一块山葵叶, 唔知做乜, 呢兜嘢包罗万有, 海胆, 幼海鳗, 车厘茄, 梅味素面, 高汤. 老实讲, 乜都沟埋一齐, 唔知想点.
🦪 华涟蚝, 长崎县, 又名 “初代王者”. 生蚝厚肉, 忌廉口感, 略带海水味, 裙边部份非常爽口, 整体表现出色.
🐟 深海池鱼, 又名缟鲹, 配梅酒水啫喱. 水啫喱提升唔到鱼嘅味道, 唔识欣赏.
🐚 赤贝, 北海道, 配淡雪盐. 赤贝正常发挥, 淡雪盐由岩盐同米造成, 睇落几靓.🐟 䲠鱼, 配酱油芝麻脆脆 (由大豆小麦芝麻调配而成), 又再配京葱. 䲠鱼肥美, 脆脆加京葱增添口感及味道层次, 十个赞!
🐡 鲜鱿鱼马粪海胆. 我唔特别钟意食鱿鱼, “暑期工” 大赞海胆好食, 我就觉得麻麻哋, 有一阵味.
🐠 烧白鳗, 配紫菜. 烧咗梗系好食.
🍣 金目鲷, 配柚子皮. 油份充足, 掂㖞!
🥰 北寄贝, 轻轻炙烧表面. 嗱, 食落唔觉烧咗, 但味道迫哂出嚟, 海水味突出, 又够大只, 口感充实, 爽甜, 今晚惊喜之一, 亦系我食过最好食嘅北寄贝.
🐚 平贝, 又玩炙烧, 配紫菜. 平贝口感似熟咗嘅带子, “暑假工” 话好食, 我觉得发挥唔到.
🍤 炸白虾. 好食!
🍣 樱鳟. 鱼脂比例略高, 食唔到软绵绵嘅口感. 太似三文鱼, 可惜.
🦑 萤光鱿鱼. 应该系烧过嘅, 又冇乜香味, 唔算爆膏, 略为失色.
🐟 沙甸鱼, 配烟熏萝卜. 沙甸鱼肥美, 萝卜嘅酸味一开始有点抢, 中段烟熏味慢慢渗出, 效果出色.
🐟 池鱼, 酱油蛋, 配麻酱. 酱油蛋令池鱼入口更柔滑, 口感丰富, 有趣嘅组合. 师傅仲俾咗旧饭我哋捞嚟食.
🍣 黑鯥鱼, 又玩炙烧. 油份丰富, 冇得输.
🍣 中拖罗, 酱油渍. 拖罗滑溜, 酱油味道非常甘香, 我钟意.
🍣 大拖罗, 又玩炙烧. 肥美, 一流!
🤗 吞拿鱼蓉海胆. 口感澎湃, 好食㖞!
🐂 A5和牛, 姫路. 热盘嚟讲, 牛比鱼稳阵, 可能已经几饱, 感觉一般般, 少少韧.
🍮 江户前玉子烧. 极似海绵蛋糕, 唔错.
🥣 九州清鸡汤舞茸菇. 够热, 浓味.
🍈 北海道赤肉蜜瓜并大福饼. 完美结束.
🤗 总结: 环境格调走高档路线, 空间感非常足够, 服务到位, 系萦住隔篱枱听到我哋讲嘢, 有点 “唔自在”. 师傅讲解食物非常详尽, 有问必答. 论食物, 整体表现平稳, 惊喜位包括北寄贝, 䲠鱼, 沙甸鱼.🥰 一路食, 一路乱弹, 又一路乱赞, 师父听到打冷震, 用餐体验愉快.
张贴
