EXP

营业中

休息中

又到左身为男朋友既我请女朋友食饭饭既日子，心情超靓，因为系连续第二日见到女朋友一直问佢去边到食饭，佢都神神秘秘咁话去城大canteen,傻瓜般既我真系信左。后来女朋友就带左我黎exp第一个菜系墨汁意粉睇黎女朋友都几钟意食d 奇奇怪怪既野，不过其实个意粉几好味，都算系水准之作，上边三粒带子几有口感几好味，又大粒。成个意粉唔会太咸，又食得出有cream 味，香喷喷。之后系软壳蟹沙律卖相几靓，d 炸软壳既蟹肉味唔太明显，好似一旧炸油条切开而已，不过d 菜几清甜，再配埋d 酸酸地既汁，入口醒胃。不过有时食到某d 菜有苦味，系因为有农药？？芝士pizza最好味最钟意就系呢个pizza,水准超过pizza 专门店，虽然配料唔算丰富，但系好好味，芝士味香浓，个皮又唔太厚，软硬适中。至于环境同服务，其实嘛嘛，始终都系钟意可以静静地同女朋友一齐既地方。