慢煮工業 (已結業)

用餐时间：普通星期三 1845今晚拣左一份二人慢煮套餐。餐厅环境几有色调，餐具都几靓！左边系我𠮶杯荔枝特饮，味道唔会好甜，淡淡地几好饮。不过佢呢种杯无比到饮管我地，所以饮落几唔方便。我觉得呢个系我食过其中一个最好食既沙律。佢只酱汁同沙律几夹，不过最惊喜既系原来温泉蛋配沙律食既味道系咁特别。呢个意粉好足料，尤其系芝士，身为一个芝士迷我食得好满足！呢块扒应该唔系咩贵价扒，所以味道正常发挥我已经接受。隔离既猪都无乜惊喜，同平时食既猪仔骨𠮶啲无咩分别，不过系唔错既。最后埋单连加一系$405，两个人平均每人$203。呢度环境几好，食物质素都同样唔错，可以改善既地方系如果二人套餐份量多翻啲就好，因为最后食完都唔饱。