八月居 (海港城) (已結業)

累透既星期五想食吓中餐饮杯茶，订八点，店员告知可能要等一会。果然去到门口挤满人，大概等半小时，倾吓讲吓好快过。都有一段时间无黎，餐牌又多左好多款。不过胃口麻麻只点了两道小菜。【洛神花黑豚骨】夹起有一丝丝酱汁，甜度盖左洛神花香味，少左一份酸酸甜甜既感觉。黑豚骨肉质略实，不过分量几足，唔会肉少骨多。【紫姜脆虾球】有5大只，炸得好香口，虾球肉质实净弹牙，酱汁几惹味，不过分得唔平均，集中喺中间一只，其余唔够汁。【蛋白岩米桶仔饭】一人一个刚刚好，入面有粟米燕麦，够哂营养~