棋子燒鵝 (新港豪庭)

营业中

休息中

有唔同分店嘅棋子烧鹅，烧鹅当然最出名，不过其实其他烧味都正㗎，例如叉烧我都好钟意🤤早几日去大角咀做嘢，行返出旺角时，见到塘尾道有间，又同同事入去食咗餐。叫咗个二人餐，有烧鹅例牌，自选单拼烧味例牌，一碟油菜，加埋白饭同饮品，够晒食👍🏻烧鹅拣咗下庄，有脾食，肉占多，皮够脆，食落去仲渗出啲鹅油，好香啊！单拼烧味就梗系拣叉烧啦，半肥瘦🤪肉质软稔，入口松化，例牌都好大份，两行加埋廿几件🥢油菜正常发挥，新鲜够嫩就得了，店员有问我地想要蚝油定豉油，可以有得拣系好嘅。𠮶日系晏昼大概五点去嘅，见帮衬嘅都系街坊多，keep住有客不过未算好忙。所以见到啲烧味同菜都整齐靓仔，都系惊喜位之一，卖相都好重要架！