影片
更多
2023-05-27
1810 浏览
Chullschick📍中环苏豪嘉咸街45-53号地下D号舖只要提起秘鲁菜，我就即刻会谂呢位于中环soho区嘅呢间秘鲁餐厅。今次系我第二次到访，两次都系食佢嘅lunch menu，个人认为呢个地段呢讲，定价算贴地，而且食物同服预质素keep到水准，不枉我大热天时行咁多级楼梯上上落落都要带朋友一试佢嘅美食！第一次嚟到，唔知头唔知路咁同三位好朋友叫咗好多嘢食，今次同朋友两个人嚟到，参考返上次食过觉得好食嘅嘢叫咗以下嘅set lunch，虽然已经系第二次食，但当我食到一啲平时食唔到嘅调味，都会好惊讶，原来呢个世界唔同嘅料理煮同一样嘅食材系有咁层出不穷嘅味道！今次想特别赞一赞一位男店员，佢安排咗我哋坐低之后好主动咁拎Menu嚟介绍，不停推介一啲佢觉得好有特色嘅菜式俾我哋，食到一半又会过嚟同我哋倾下偈，问下我哋觉得啲嘢食如何，令我哋有宾至如归嘅感觉。 💰$100烟熏猪肉三文治 🥪 上一次嚟食烤鸡三文治，今次当然要试吓另一款啦。面包同样系自家制Chulls Bread，口感好脆口，我几钟意！烟熏猪肉先慢煮13个钟，再以烟熏炉熏制1个钟，虽然猪肉望落去肥肉偏多，但腩肉位置嘅脂肪入口即溶，加埋有秘鲁莎
📍中环苏豪嘉咸街45-53号地下D号舖
只要提起秘鲁菜，我就即刻会谂呢位于中环soho区嘅呢间秘鲁餐厅。今次系我第二次到访，两次都系食佢嘅lunch menu，个人认为呢个地段呢讲，定价算贴地，而且食物同服预质素keep到水准，不枉我大热天时行咁多级楼梯上上落落都要带朋友一试佢嘅美食！
第一次嚟到，唔知头唔知路咁同三位好朋友叫咗好多嘢食，今次同朋友两个人嚟到，参考返上次食过觉得好食嘅嘢叫咗以下嘅set lunch，虽然已经系第二次食，但当我食到一啲平时食唔到嘅调味，都会好惊讶，原来呢个世界唔同嘅料理煮同一样嘅食材系有咁层出不穷嘅味道！
今次想特别赞一赞一位男店员，佢安排咗我哋坐低之后好主动咁拎Menu嚟介绍，不停推介一啲佢觉得好有特色嘅菜式俾我哋，食到一半又会过嚟同我哋倾下偈，问下我哋觉得啲嘢食如何，令我哋有宾至如归嘅感觉。
[价钱 Price]
💰$100
烟熏猪肉三文治 🥪
上一次嚟食烤鸡三文治，今次当然要试吓另一款啦。面包同样系自家制Chulls Bread，口感好脆口，我几钟意！烟熏猪肉先慢煮13个钟，再以烟熏炉熏制1个钟，虽然猪肉望落去肥肉偏多，但腩肉位置嘅脂肪入口即溶，加埋有秘鲁莎莎酱同洋葱等配料中和返，食完唔会觉得好heavy。
话虽如此，但系如果比较两款三文治，我觉得烤鸡三文治比较好食，因为佢嘅馅料有用他他酱调配过，比较适合我口味。而呢款烟熏猪肉三文治因为用咗秘鲁莎莎酱，所以口感酸酸辣辣，系我未食过嘅味道，可能唔系太习惯，不过都好味嘅。
重点系想同大家推介一下当日嘅Special side dish — broccoli and carrots，我哋以为佢系热炒嘅配菜，点知原来系好似沙律咁嘅凉拌菜，仲有粟米粒粒捞埋一齐。佢嘅调味无沙律酱咁甜同肥腻，食落好light，令唔去太钟意食沙律嘅我讲咗句「如果每日都有咁嘅沙律食，要我日日食沙律我都肯制！」，可想而知系几好食！
[价钱 Price]
💰$102
招牌秘鲁烤鸡 四分一只 🐓
话明系招牌秘鲁烤鸡，当然有佢过人之处啦！餐厅用咗黑啤、姜、迷迭香等多款香料腌鸡，腌足两日，再烤1个钟，所以佢嘅烤鸡皮薄得嚟非常香口，食埋层皮都唔会觉得好油腻！烤鸡油脂唔算太多，鸡肉亦嫩滑多汁，四分一只就已经足以送晒成个餐，食得好满足！
每个招牌秘鲁烤鸡餐都可以选择两款配菜，我哋就拣咗薯条同埋蒜香饭。好彩佢嘅饭唔系印度米，如果唔系一定会扣晒分！蒜香嘅味道唔算太突出，不过加咗啲好香嘅葱花，食落去有少少似食紧港式煲仔饭嘅口感，不过佢就梗系无饭焦啦！唔知佢算唔算系秘鲁嘅特色主食之一呢，大家有兴趣嘅可以试下。我个人嘅做法就系将烤鸡拆肉，再铺满整个细细嘅饭捞埋一齐食，咁每一啖都会食到葱、蒜、饭同埋鸡肉。另一款配菜薯条本身炸得香口，点埋个黄辣椒酱就一流喇！
[价钱 Price]
💰$0
餐汤 🥕🥣
朋友拣咗餐汤，今日系红萝卜汤，佢嘅汤比起一般嘅西餐餐汤稀，但又比起中汤嘅口感浓郁，饮得到系用红萝卜打蓉整成，味道唔会太浓，都好creamy，不过夏天饮就有少少热，而且个碗好浅身，份量唔算太多。
[价钱 Price]
💰$0
姜味汽水🥤
上次我都系饮ginger ale，果然夏天就系要饮啲咁解渴嘅冰凉饮品！
张贴
