影片
更多
2011-05-30
694 浏览
母亲节饭。食物牛展，卖相几唔错，晶莹通透，切得薄薄，食落还算软身，不过未算爽，可以更好既牛展。烧腩仔叉烧，烧腩仔个皮烧得香脆，以烧腩仔黎讲，肉香系收货，系很不错的烧腩仔。叉烧用上系瘦瘦的，睇落都几干身，不过食落唔韧，肉香就一般既叉烧。虾多士，炸得够干身，唔会食落好油腻，吃起来亦脆口，唔洗用上沙律酱都好食。田鸡煲，田鸡肥美，不过略为咸左d。崧子虾仁炒西芹，虾未算鲜爽，崧子反而唔错，脆脆的。扒豆腐，家常小菜，一般水准，汁太多，一咬旧豆腐成口汁。炸子鸡，系呢到既名物，肉质嫩滑，鸡皮泛油够薄香脆，脆卜卜，不过鸡皮冇咩肥就好似差咁d野咁。煎酿鲮鱼，原先想要桂鱼卷，不过煎酿鲮鱼已好少食肆做，街上亦唔系好多地方有得买黎自己整，就要碟黎试下。鲮鱼肉结实，可口惹味，系好送饭既酿鲮鱼。凤城炒饭，炒得干身，料咩都有d，亦够多，系埋尾饱肚既选择。西米布甸，食落感觉麻麻地，唔多滑，味又淡淡，唔多识欣赏呢个西米布甸。服务，我个人就唔多接受，明明有上菜位，不过上菜总系唔系上菜位，失惊无神从后伸手收碟，客人食紧野，唔好彩打潟点好呢，真系唔系好明系唔系真系要咁急一见人食完就要收碟，又唔系有野上枱唔够位。呢d情况其实经常
食物
牛展，卖相几唔错，晶莹通透，切得薄薄，食落还算软身，不过未算爽，可以更好既牛展。
烧腩仔叉烧，烧腩仔个皮烧得香脆，以烧腩仔黎讲，肉香系收货，系很不错的烧腩仔。叉烧用上系瘦瘦的，睇落都几干身，不过食落唔韧，肉香就一般既叉烧。
虾多士，炸得够干身，唔会食落好油腻，吃起来亦脆口，唔洗用上沙律酱都好食。
田鸡煲，田鸡肥美，不过略为咸左d。
崧子虾仁炒西芹，虾未算鲜爽，崧子反而唔错，脆脆的。
扒豆腐，家常小菜，一般水准，汁太多，一咬旧豆腐成口汁。
炸子鸡，系呢到既名物，肉质嫩滑，鸡皮泛油够薄香脆，脆卜卜，不过鸡皮冇咩肥就好似差咁d野咁。
煎酿鲮鱼，原先想要桂鱼卷，不过煎酿鲮鱼已好少食肆做，街上亦唔系好多地方有得买黎自己整，就要碟黎试下。鲮鱼肉结实，可口惹味，系好送饭既酿鲮鱼。
凤城炒饭，炒得干身，料咩都有d，亦够多，系埋尾饱肚既选择。
西米布甸，食落感觉麻麻地，唔多滑，味又淡淡，唔多识欣赏呢个西米布甸。
服务，我个人就唔多接受，明明有上菜位，不过上菜总系唔系上菜位，失惊无神从后伸手收碟，客人食紧野，唔好彩打潟点好呢，真系唔系好明系唔系真系要咁急一见人食完就要收碟，又唔系有野上枱唔够位。呢d情况其实经常发生，都系今次忍唔住写下发下蹹风。环境，无咩投诉，正正常常，光光猛猛。
价钱，散叫几抵食。
张贴
