LAB ZERÕ

营业中

休息中

呢间cafe近期好hit，事关佢嘅装修都几特别。一入门口，就会见到打卡区，个边布置几靓，有灰色嘅泡泡梳发供客人坐，周围围绕住仙人掌等各种热带植物，而头上有嚿缓缓升降嘅云朵灯，成个画面睇，的确几美观，令人爆发少女心，好啱打卡ᵒ̴̶̷̤ꈊ˂̶̤̀ 唔怪得之咁多人慕名而来。可惜我哋去嘅当天，岀面好多人排队，我哋都只好拿拿临影完食完就算，废事阻到其他人，所以影唔到好多靓相৹ᵒ̴̶̷᷄́ฅᵒ̴̶̷᷅৹不过嘢食质素都算唔错，满载而归～✎ 蒜香明太子樱花虾配珍宝带子意粉 明太子味同蒜味浓，令到成碟好惹味。当中有充满咬口嘅烟肉片同滑嫩而好厚身嘅带子，而面条嘅口感都好弹牙，整体十分高质！✎ 炸海苔鱿鱼炸到几脆，而炸粉唔算多，味道似咸蛋味加紫菜味，食落几香口！沾埋芥末酱食，一流！✎ 冻青提梳打少少酸，青提同梳打味浓，食到最底仲有爽口嘅青提肉同埋啫喱。