Amitie Kitchen

营业中

休息中

星期六同朋友去尖沙咀行街，夜晚去咗厚福街揾餐厅食饭，见到呢间话主厨曾系五星级酒店任职多年，就决定试吓。面包餐包有惊喜，有三种款式，牛角包奶油味几重，咬落去仲系热辣辣，仲有士多啤梨酱同牛油可以搽。火炙半熟三文鱼伴紫苏莎莎三文鱼好新鲜，而且好厚切，紫苏叶用咗柠檬同橄榄油调味，食落好开胃。香辣番茄汁花甲天使面天使面香辣可口，蕃茄汁有用新鲜蕃茄，面质煮得啱啱好，唔会太软，花甲都算几多，配埋天使面食几夹。澳洲羊T骨羊T骨拣咗五成熟，厨师火候控制得几好，出面嘅皮几脆，肉又唔会煮得太老，咬落去肉汁鲜嫩。菜式摆碟非常用心，其中配菜有薯仔酿猪肉，几特别。D24榴梿奶昔榴梿奶昔非常香浓，饮落去好滑口，钟意榴梿嘅朋友可以一试。士多啤梨朱古力窝夫伴士多啤梨雪糕窝夫啱啱焗好，新鲜热辣出炉，咬落去外脆内软，唔会太甜，配埋士多啤梨雪糕食，充满幸福嘅感觉。餐厅可以用朱古力写碟，例如Happy Birthday, 当晚见到其他食客庆祝生日，职员更会点蜡烛，服务非常贴心。餐厅食物水准高，食得出厨师嘅五星级酒店功力。如果下次同朋友去尖沙咀，可以再光顾。