八月花 (已搬遷) 新店位置

港岛区冇晒八月，我又出左张 AE 白金，所以专程去九龙塘八月食饭，咁先可以抵返我个年费！ 八月例牌都系带点典雅气息，中式得嚟唔会老土。 坐位都好宽敞，唔会听到隔离台讲野。 你知啦，有时隔离枱讲啲好爆嘅嘢，我真系冇忍唔住全程都偷听架。 上次就系听到个女仔同两个男仔倾计，讲佢自己做小三有几咁开心、几咁自豪，我就真系全晚都分晒心 香脆猪板肉$48只猪仔都几好味，好干身，唔鞋亦都唔肥豆腐$90呢个我觉得麻麻地，食到阵内脏味粟米斑块 $158好味，斑块同粟米汁分开上，好细心。知道我哋挂住倾计，摊耐左都唔会浸林晒。瑶柱杞子菜苗 $80菜苗爽口冇渣，跟上汤，送饭一流！个茶钱贵啲啰，＄13一位。