熨烤達人 (已結業)

香港人最爱新鲜，上网见到有间熨烤咁趣致既烤肉店，梗系咪走鸡啦。放工同个朋友9秒9嚟到，好在时间尚早唔使等位。场内位置都几阔落，最啱我呢啲唔钟意迫嘅人。一场黎到，当然要点全港独家既黑毛猪套餐啦。炉一set 好就先黎个炉边蛋，同其他烤肉店吾同既系，呢间会另上泡菜，芝士同粟米粒俾客人自己落，识食一定劲落芝士。万众期待既套餐终于黎啦，一上枱真系有惊喜，五花肉真系好厚身好肥美啊。讲真，以前都有试过唔同嘅韩式烧肉店，但系真系未试过有咁大嘅五花肉。店员好有耐性咁为我地讲解要点样烧同烤几耐，用烫斗压住烧系吾同啲，受热非常均匀，我地仲烧到个皮仲脆卜卜添，斋食已经好好味，用生菜包埋蒜片一齐食就更加冇得弹。跟手就烧猪颈肉啦，猪颈肉腌得好入味，基本上都唔需要点酱汁。仲有值得一提嘅系牛肩胛，烧既火候恰到好处，真系好甜好多汁啊。一个套餐食到我地捧住个肚走，临走先见到原来仲有两小时半放题套餐拣，仲几抵食添，一于揾日再嚟食。