牛元帥粉麵

营业中

休息中

九龙城呢间牛元帅，门面细细，唔系好起眼，入面更加感觉草根，但原来五香牛腩类做得好出色！粉面类徘徊喺$20几至$30几之间，定价合理。我要左碗牛三宝河粉（$34）。牛三宝包括牛腩、牛肚同牛筋，潮式汤底，味道够浓厚。牛三宝系五香style，同浓浓嘅汤底好夹。三种牛宝之中，牛筋够胶质、牛腩半肥瘦，入口即融，牛味又够浓，牛肚卤得入味，价钱又抵，唯一要改进嘅就系河粉，太碎了，亦唔够滑。老婆食手打牛丸银针粉（$30）佢真系好钟意食银针粉多过河粉、米粉等，贪佢一条条滑嘟嘟，而且汤头够热，份量亦足。牛丸一咬就知唔系敷衍之流，够juicy亦够弹牙，佢话坊间已经冇乜几多间好食嘅牛丸店了！