亞參雞飯 (上水廣場)

营业中

休息中

今日唔知食乜好，四围睇吓，突然好想食海南鸡饭，附近有间亚参鸡，呢间未试过，就入去试一试海南鸡饭，座位都算宽敞舒适！亚参鸡去骨海南鸡饭鸡用咗三黄鸡，再用秘制方法去浸煮只鸡至刚熟，令到肉质软滑且保持肉汁鲜味；饭配以香茅、斑兰叶、浓鸡汤煮，米饭香滑软糯，好好味😋套餐仲配有一碗冬瓜清鸡汤，汤浓味清甜！新加坡喇沙米线送到时闻到好香浓嘅喇沙味，米线里面有虾、鱼片、豆卜、鸡蛋、芽菜和通菜，都好丰富；米线唔算稔，喇沙味浓，味道都唔错。加咗一杯咖啡，但我唔喜欢加咗炼奶，觉得麻麻地，整体黎讲，尚算满意，但相比价钱就贵咗少少啰🤔