影片
更多
2015-09-13
651 浏览
欧洲嘅菜系中，小弟一向较为偏爱意大利菜，可能细个首先就喺认识啲意粉，薄饼之类，当然，再大个啲，赚到钱就可以试唔同嘅嘢，对意菜就唔再单喺意粉，薄饼啦。从杂志认识到卖意大利菜嘅Castello 4，晌意大利菜式上又融和少少其他地方特色，今晚就走进依个「城堡」，领略一下固中滋味！餐厅占商厦4楼全层，一打开升降机门就喺餐厅。整体装修甚具工厂风，铜色金属质感配粗犷水泥地，够酷得嚟 ，因为配合柔和灯光，又唔会被人觉得太冷感。餐厅外，面向霎东街一边，对正时代广场背面，有个修长嘅露台，不过，狭长嘅外形，又位处低层，所以，景观无乜，大抵喺俾啲烟民出嚟抽番两口而已。餐厅未有供应晚餐，所以，所有菜式就印晌晒3张（4页）铜金色嘅餐单纸，贯彻全店嘅色调。 Nicoise Salad $84 个沙律睇似简简单单，其实配料非常丰富，主打嘅沙律菜以外，仲有炙烧吞拿鱼、黑橄榄、法边豆、薯仔、意大利蕃茄干、水牛芝士，再加啲蛋丝做装饰。以香草及油醋提味，令个沙律入口清新，材料亦食得到其新鲜感，尤其啲吞拿鱼，红润鲜美 。 Soft Shelled Crab Fritter $134 比起平时食手卷嘅软壳蟹
餐厅占商厦4楼全层，一打开升降机门就喺餐厅。整体装修甚具工厂风，铜色金属质感配粗犷水泥地，够酷得嚟 ，因为配合柔和灯光，又唔会被人觉得太冷感。
餐厅外，面向霎东街一边，对正时代广场背面，有个修长嘅露台，不过，狭长嘅外形，又位处低层，所以，景观无乜，大抵喺俾啲烟民出嚟抽番两口而已。
餐厅未有供应晚餐，所以，所有菜式就印晌晒3张（4页）铜金色嘅餐单纸，贯彻全店嘅色调。
Nicoise Salad $84 个沙律睇似简简单单，其实配料非常丰富，主打嘅沙律菜以外，仲有炙烧吞拿鱼、黑橄榄、法边豆、薯仔、意大利蕃茄干、水牛芝士，再加啲蛋丝做装饰。以香草及油醋提味，令个沙律入口清新，材料亦食得到其新鲜感，尤其啲吞拿鱼，红润鲜美 。
Nicoise Salad
$84
17 浏览
0 赞好
0 留言
Soft Shelled Crab Fritter $134 比起平时食手卷嘅软壳蟹，依道前菜嘅软壳蟹就相对好大只，轻轻以天妇罗做法炸过，入口多份香脆，却唔油腻，此外，又几有蟹味㖞 ！橙色酱喺啲红椒、黄椒打烂做成，几重灯笼椒嘅味，而绿色嘅喺牛油果酱，软滑清香，两款酱嘅令个软壳蟹味道丰富咗，令个卖相又鲜明啲 。
Soft Shelled Crab Fritter
$134
22 浏览
0 赞好
0 留言
Stone Bowl Risotto $184 以韩式石窝盛载意大利饭，再分别配上唔同嘅材料，以石板整体奉上，感觉喺别树一帜。而食法喺将芝士、牛油、三色椒及龙虾汁倒入饭内捞匀即可，其实，啲饭本身已有少少龙虾味，依家倒埋个汁（多少随个人心水，但建议先倒一半，想浓啲就又再加），龙虾味就更浓郁；而两款芝士，车打及巴马臣，加上少许牛油，令味道层次更丰富，所以，配合埋饭粒烟韧咬口，净食个饭都好一流 。只虎虾亦香口弹牙，值得一提虾背已经鎅开咗，更加方便食用；只喺略嫌鸡肉拉低个档次，虽然喺话用咗春鸡，但感觉唔出，倒不如改为海鲜，如鱿鱼或带子，高档啲，又夹个饭多啲。此外，用三色椒有份菜青味，影响个龙虾汁底，唔知改用BB露笋切粒效果会唔会仲好啲呢？
Stone Bowl Risotto
$184
41 浏览
0 赞好
0 留言
12oz US Sirloin Steak $354虽然餐牌只列明肉眼一款牛扒，但原来餐厅不时会有其他部位供应，就好似我哋原先打算食肉眼，但经理话嚟咗啲西冷好唔错，所以，改咗一试西冷，同样定价。相对之前几道菜，个美国西冷扒嘅卖相比较寡，不过，啲配菜好好食，迷你甘笋、意大利黄瓜、蕃茄干、连皮薯仔几样都好味，不过，件扒虽然都睇得出五分熟，但无论落刀、入口，都有啲韧，未符合预期，感到有啲可惜 ，唯一肉味浓。
12oz US Sirloin Steak
$354
18 浏览
0 赞好
0 留言
服务方面，其实都唔错，食完前菜后会主动帮我哋换碟，每道主菜亦同样换上新碟及刀叉，又不时为我哋添水。不过，餐前无附送面包篮或橄榄之类小食，有啲失分 。而暂时又未有甜品提供，会令部分客人失望，尤其女生们；此外，餐后本想叹杯意式咖啡，可惜，亦只有午市先有提供，所以，服务一栏就扣唔少分。唔知喺咪新开关系，觉得仲有啲地方要完善吓，正所谓亡羊补牢，未为晚也！
张贴
