影片
更多
2017-04-11
532 浏览
太子嘅「居庐」，其实一直都想揾埋窝夫控嘅表姨甥女去试其窝夫，不过，讲嚟讲去都无行动，渐渐就无晒回事、懒得再谂。最近，听朋友讲，「居庐」晌附近开咗家卖意大利菜嘅餐厅，而窝夫依然有得食，所以，再次「的」起心肝揾埋佢一齐去试，订位安排，一切由小弟搞，都喺举手之「庐」。初头听朋友提及店名时，仲以为改卖中菜，但就算查实喺卖西菜，门面、室内摆设都带点中式化，如门前嘅牌匾、雕花窗框装置、古代将军油画……等等；然而，布局却很西化，近门口位有大型共享长木枱，深啡色皮椅，又有大型水晶灯。感觉还好喺唔会有太大违和感！此外，想必店主应该都几喜欢花花草草，因为，无论餐枱上，抑或墙上，都放有各式各样嘅小盆栽，为餐厅添上点点田园气息。再者，楼底之高，使空间感十足，让整体感觉会更好。睇睇散点餐牌，选择可不少，由汤品、沙律、前菜、小食、主菜、意大利面、意大利饭、饮品、甜品，一应俱全。唯可惜餐厅未有晚餐供应，只作散点。香蒜烟肉碎椰菜仔 $68晌小食一栏见到有椰菜仔，既可当小食，亦可以作为一道蔬菜菜式。虽然作为小食，份量可不少，然而，加咗香蒜及烟肉去做，诱发出嚟嘅香味唔算好强，我较钟意将啲烟肉炒香晒先嚟煮，咸香味会强好多；
初头听朋友提及店名时，仲以为改卖中菜，但就算查实喺卖西菜，门面、室内摆设都带点中式化，如门前嘅牌匾、雕花窗框装置、古代将军油画……等等；然而，布局却很西化，近门口位有大型共享长木枱，深啡色皮椅，又有大型水晶灯。感觉还好喺唔会有太大违和感！
此外，想必店主应该都几喜欢花花草草，因为，无论餐枱上，抑或墙上，都放有各式各样嘅小盆栽，为餐厅添上点点田园气息。再者，楼底之高，使空间感十足，让整体感觉会更好。
睇睇散点餐牌，选择可不少，由汤品、沙律、前菜、小食、主菜、意大利面、意大利饭、饮品、甜品，一应俱全。唯可惜餐厅未有晚餐供应，只作散点。
香蒜烟肉碎椰菜仔 $68晌小食一栏见到有椰菜仔，既可当小食，亦可以作为一道蔬菜菜式。虽然作为小食，份量可不少，然而，加咗香蒜及烟肉去做，诱发出嚟嘅香味唔算好强，我较钟意将啲烟肉炒香晒先嚟煮，咸香味会强好多；此外，个人觉得啲椰菜仔似喺烚过先再炒，除色泽变得唔翠绿之外，口感亦有过腍问题。
太平洋黑虎虾意大利粉配海鲜蕃茄汁 $138依道意大利面就做得颇出色，蕃茄汁底十分鲜活，酸爽香浓，配合煮得啱啱好，有咬口嘅意大利面，净食个意面已不俗。而两只虎虾甚有睇头，相当大只，开边香煎后，虽然无话弹牙到飞起，但入口不失爽口，虾味足。
自家制马铃薯丸配黑松露忌廉汁 $178记得晌上环嘅「Upper Modern Bistro」食晏，所选嘅主菜伴有意式马铃薯丸子（Gnocchi），喺一种稍稍冷门嘅意大利面类嘅食材，因为市面似乎都无现成货，都喺要靠自家制。今晚见餐牌有此选项，当然好想点嚟俾表姨甥女试试。
一客意式马铃薯丸子被预期多，再者，佢食落喺会几饱肚，而个丸子煮得有水准，口感既粉粉糯糯，烟韧咬口，粒粒都挂满汁；个黑松露忌廉汁又做得非常幽香，黑松露味甚突出，好钟意佢哋仲刨咗啲巴马臣芝士落好，香味更提升。
未上表姨甥女一直期待嘅窝夫，先嚟介绍吓饮品先，咖啡选择非常多，此外，仲有花茶、梳打、果汁、汽水……等等。玫瑰花茶（每壶）$45
配花茶套杯非常典雅漂亮，而浸泡出嚟嘅玫瑰花茶，却无想像中咁有玫瑰花香，我哋心想会唔会浸泡得唔够耐？所以，第二杯喺浸泡较长时间嘅成品，但个玫瑰味同样无预期中咁幽香，入口比较淡而薄，我哋再研究吓，见佢茶底外，放嘅喺原粒玫瑰粒，或许喺浸得散唔开，啲味未能尽放。
拿铁 $34配甜点，拿铁喺小弟嘅心水，杯面泡纹比较多，拉花图案亦简而不够细致，入口亦缺乏均匀感，依啲都喺关乎冲泡嘅手势问题；但最失望喺朕咖啡味，入口有啲怪怪，唔敢断定喺咪炒㶶豆，但都喺第一次遇见，已即时向店员反映，让佢哋了解番个问题，从而可以改善吓。
甜点只有4款选择：芝士蛋糕、两款窝夫及拿破仑蛋糕，唔使多心，一早就打算喺点窝夫嘅，就算有两款，亳无疑问会拣用店家名命嘅款式。
晋家门自家制窝夫 $78用得店名，相信会喺招牌款式，唔上枱一刻都未知喺乜，原来喺士多啤梨口味，水滴型窝夫，配上新鲜士多啤梨、忌廉、士多啤梨雪糕，唧埋士多啤梨糖浆，非常亮丽。上枱时，个窝夫几香，入口亦好松软，蛋香味唔算好强，但最惊喜喺入面加入紫薯蓉，而啲士多啤梨十分鲜甜，个雪糕球亦好软滑，富奶香，整体个窝夫颇出色。
晋家门自家制窝夫
$78
25 浏览
1 赞好
0 留言
小食嘅椰菜仔、拿铁，无疑喺失手之作，但两道意大利面及窝夫，却喺有水准嘅出品，所以，打总分有啲难。不过，环境舒服，空间感强，而且，服务又好到位，见店长亦不时问客人意见，亦耐心听我哋「发噏风」，所以，整体印象还是不俗，但正所谓亡羊补牢，未为晚也，希望能作出针对性改善，使出品更好。
张贴
