黔館 (已結業)

我系微辣食品的爱好者，因为辣椒能够刺激胃口，令食物更加好味，例如广东的面食多含枧性。但肠胃脆弱，四川的麻辣一吃，肚胃畅通无阻，万试万灵！今晚竟然话要食贵州菜，真系有啲担心，好彩原来有两款好啱食啲，味道亦相当好，等我介绍一下。第一款系估佢唔到咁好食啲炸酥肉，以为贵州菜只有酸辣，原来炸嘢都好得，味道酥香不辣，肉件软熟不靱，系用五花腩肉，只有微麻。第二款系火焰牛肉，好睇好吃，辣椒粉分开上，味道完全唔辣。侍应会在客人面前用火枪点火，以明火做成烤肉啲效果，在图中牛肉片上面可以见到。牛肉味道反而有多少甜，配埋大量青红黄椒，似三椒炒牛肉片，调味亦好，合香港人口味，真心推荐。钟意辣可以蘸辣椒粉，好辣吓仲有啲麻。仲试咗酸鱼汤，又系必食啲，鱼好滑，汤就辣咗啲，饮唔到。虽然自己食唔到太辣，但菜式特别，拣菜试，值得啲。