德國佬餐廳

营业中

休息中

假日的晚上黎到，唔算多人，可以拣室外或者室内坐，天气咁热，都系入去凉下冷气好。人少少，静静地，都几有情调。点餐后先送上面包，面包够热够软熟，可配黑醋食。餐牌有set dinner或者散叫，我地叫左一个set，前菜有煎蚝，呢个煎蚝好好食😍。蚝好大只，表面煎到脆脆地，但入面仲系似生蚝嘅口感，配埋衬底的洋葱烟肉，真系好正👍🏼主菜有牛扒，五成熟刚刚好，另外有提供海盐同芥茉酱等，但块扒本身已经好浓味了，点埋其他调味就太咸了。另外散叫了黑松露意大利饭配煎鹅肝，意大利饭落咗好多菇等等嘅配料，所以口感好丰富，煎鹅肝亦煎到外脆内软，好食👍🏼最后有跟餐的小朱古力蛋糕作甜品餐厅食物大多都偏浓味，所以无点啤酒嘅话最好都系饮多杯水，免得太口干吧😂