Vision 8

星期六过完大礼之后，同男朋友黎到荃湾食西餐庆祝下。首先送上餐包，有三款甘多。一款系脆身既薄多士，一款软身啲，一款口感好软熟，而且啲包系热辣辣架。酥炸小食拼盘有炸鱿鱼圈、炸鱼、炸鸡翼、炸著条，份量足以填饱一半肚。炸物新鲜炸起，绝对够香脆，而且炸粉好薄，配以黑松露酱、茄汁、他他酱，相当好食。番茄水牛芝士配意大利香草酱几新鲜，番茄同水牛芝士既搭配唔会唔好食。小元贝•西兰花忌廉汁烩意大利饭配加拿大海胆连只碟都系热架，海胆好浓味，小元贝都几多，我钟意食到有西兰花既意大利饭，几夹，忌廉汁令饭好creamy，好食。苹果木烧西班牙黑毛猪鞍扒配红酒汁相当厚切，肉质一啲都唔鞋，烟熏味好出，伴碟既芝士薯仔片好惹味。