POP vegan (已結業)

今晚同朋友喺中环食饭，拣咗苏豪区嘅呢间vegan餐厅。餐厅位置都几隐蔽，要喺楼下揿钟，行条长走廊上楼梯先到，好彩朋友预先订咗枱。Sangria：同出边𠮶啲唔同，生果唔系一片片系切一粒粒，红酒味都几重，冇饮开酒可能会唔惯。Smoke vegan tuna salad：呢个沙律卖相好靓，七彩缤纷，入口味道好多层次，必食！Vegan beef Wellington：食落去其实唔系好似肉，旧肉比较松散，不过系素食，唔可以太多要求。酥皮做唔到香脆效果。个薯蓉整得几好，西兰花白灼冇调味。Tomato lover risotto：碟饭中间有成旧洋葱，食落唔系好重洋葱味，好腍，应该系系用汤煮。啲饭煮得啱啱好，硬度适中，蕃茄味好浓郁，加埋新鲜蕃茄仔，钟意食蕃茄一定要点。总括而言，味道唔错，环境舒适，侍应服务好好，本身唔系vegan都啱食。不过唔算平，建议多啲人嚟食share。