夏麵館 (活@KCC) (已結業)

今次姨甥返香港放暑假，如果话有啲咩特别想带佢去食的话，应该要数上海菜， 可惜一直都约唔齐人啰😕。上海野咁饱肚，要人多先食得过瘾架嘛！既然系咁，我今日唯有先带佢食夏面馆顶住瘾啦，呢款新派上海菜小馆，人少少都食到嘅。一如以往，姨甥仔一个人可以食两个人嘅份量，加埋我话要减肥嘅半个人，我地又试叫到一枱都系啰🤭😝！先嚟三个小食，全部都系有人话想食🙄，川味口水鸡，上枱原来好鬼大份，比佢吓亲，鸡肉嫩滑又冇乜骨，够哂辛辣好惹味👍手抓葱油饼，嚟到觉得个卖相麻麻地，但其实好香好脆，食不停口😋食上海野必点熏蛋，不过我就觉得佢烟熏味唔够，同有点偏咸，似卤蛋多啲。主食我都估到有人实点排骨担担面架喇，排骨炸得酥香，担担面味道唔错，只系个汤略嫌烯左啲唔够花生酱味㖞。我就谂住要食少啲肉，而且有点口水鸡，所以主食我只点左个葱油开洋拌面，呢个就冇乜特别，不过不失啦。食完主食，点都要食返啲甜野嘅，有人话轻轻地叫个高力豆沙啦😅！咁呢样呢度又几好，事关高力豆沙一份三件，我地两个人都食到，如果去正常上海菜馆，就好多野都点唔到架喇！