一葉小廚

营业中

休息中

成间餐厅好大好多张枱，但得两位女侍应，要负责落单，传菜，Set 枱，执枱，埋单收钱。所以服务一定唔会好。入到去坐咗好耐，举左手一段时间，都冇人会理你，当你揾到一个人，佢就叫你等阵，转头佢又去忙第二样嘢，唔记得咗你，我都知道唔关个职员事，因为佢真系好忙。而且听到佢同啲客人倾偈，其实都系Nice嘅。其实餐厅想悭钱唔请咁多人，就应该用QR code落单，起码可以减少左客人等人落单嘅时间。早餐价钱系抵食嘅，不过份量都唔算多，猪扒好细块，多士冇咩牛油。煎鸡蛋一阵麻麻哋嘅油味，不过煎得唔错。应该都系用啲好cheap嘅油。总括嚟讲，呢间舖头嘅败笔系老细悭皮。唔愿意投放成本入去员工同埋食材方面。员工（不论楼面定系厨房）似乎尽力了。