陳儀興飯店 (嘉悅)

营业中

休息中

#潮洲eatcovery #将军澳eatcovery💡人气打冷潮式店要系香港揾潮州打冷可能会好易揾到，但要好食，就真系唔系好多，呢间「陈仪兴饭店」较为精致干净，店铺地方够大，坐得舒服，质素好高，所以今次都忍唔住叫外卖黎试下。🍽姬松茸无花果雪耳瘦肉炖鸡汤炖鸡汤超级足料，真材实料，有一半都系汤渣，所以好清甜滋润，可以提高免疫力、健脾及降三高。🍽卤水鹅件打冷当然要点卤水先得啦，卤水鹅相信都会必点，份量都几多，卤水鹅肉够厚，唔会剩系得骨，仲好嫩滑，唔会鞋，每啖都充满鹅油香味，而卤水汁微甜，岩晒黎送饭🍽蚝饼外层炸得金黄香脆，蚝饼嘅粉只系薄薄一层，入面超多蚝仔，粒粒饱满，非常鲜味👍🏻食落仲有阵阵蛋香。🍽元朗黄油乌头王平时食鱼都系热食，今次就第一次试冻食，估唔到雪冻后嘅鱼更鲜甜结实，乌头肥嘟嘟，好厚肉，但肉质仍然嫩滑，鱼肉入口甘香肥美有鱼味，无腥味无泥味，而且唔算多骨。食个阵点少少普宁豆酱 咸咸地，更突显鱼味。