蘇山雞飯

营业中

休息中

海南鸡饭喺香港嘅受欢迎程度真系唔讲得笑，无论系海南鸡饭嘅专门店定系茶餐厅都会见到佢嘅身影。今次嚟到呢间人气餐厅，主打星马菜，仲长期都好多人排队，一于试下佢嘅招牌菜。 火焰酱香椰子鸡窝以瓦煲一路煲住椰子鸡，开盖之前侍应将酒淋落煲边，造成火焰效果。椰子汤入面有椰子、杞子等材料，好清甜，即刻饮咗两碗先！鸡肉好嫩滑，有微微嘅酒香，亦有椰子嘅香甜。配埋油饭好够饱。 狮城芽菜走地鸡饭鸡肉一样嫩滑唔肥，淋上炒过嘅蒜汁好香口，配三色酱汁各有风味；芽菜厚身清爽多汁；鸡杂冬瓜汤暖胃。 鲜油咖央多士厚厚嘅牛油同咖央劲邪恶！烘底多士热热哋，令牛油有少少溶化，咬落有咸甜咸甜嘅味道。 砂拉越菠萝冰砂拉越系马来西亚嘅行政区域，盛产菠萝。饮得出系鲜菠萝打出嚟，爽口解渴。 开心果椰子奶昔好creamy，椰奶味重得嚟开心果味都好出，两者味道几夹。