阿荔車仔麵

营业中

休息中

是晚又嚟到荃湾食嘢，今次拣咗一间好出名嘅车仔面试下，叫阿荔车仔面，听网民讲佢有新款食法㗎。除咗一般嘅两𩠌车仔面，佢仲有沙嗲汁沾面，黑蒜油捞面，麻辣捞面等，又真系几特别㖞。⭐十喜大碗面实在太多嘢拣，朋友最后决定要个十喜大碗面，一次过有十款𩠌唔使谂，要咗清汤底再加藤椒麻辣汁。十𩠌有花胶扒、鱼蛋、五花腩、猪大肠、黑糖猪手、冬菇、猪红、猪皮、萝卜同时菜。其中五花腩同猪大肠卤得入味最为惊喜，花胶扒大大块有口感，其他啲𩠌都唔错😋藤椒麻辣汁麻麻辣辣够香口，不过中辣都唔算好辣，尝辣嘅朋友话下次要叫大辣㖞。⭐胡椒猪肚嫩鸡丝汤面 + 芫荽山自己就试下胡椒猪肚汤，面条改要手工拉面。汤底胡椒味几浓，咸中带辛辣，几好未呀。手工拉面弹牙有口感，感觉有啲似上海面，吸满汤汁正㖞。⭐辣菜脯如果爱辣记住加埋佢哋嘅辣菜脯，入口真系劲辣，舌头有麻麻刺刺嘅感觉，越食越上瘾㗎。⭐白桃乌龙茶 & ⭐冻柠乐再加咗冻饮，一樽白桃乌龙茶同一杯冻柠茶，冰冰凉凉真心正。见隔离枱食沙爹酱沾面好似好正咁㖞，下次试下先。