Contrast

营业中

休息中

Bookmark咗好耐嘅人气咖啡店，之前经过见到大排长龙所以最后无试到。衬住疫情呢排少人出街，平日十二点几嚟到竟然真系唔使等位。主食有沙律、多士同意粉，甜品都有多款选择。落单后几分钟就上咗饮品，分别系latte同matcha latte。Nutty咖啡同奶味好平衡，啱饮Matcha latte抹茶味香浓但唔会过份苦涩。香辣卡邦尼大虾扁意粉卖相好靓，大虾爽口。扁意粉沾满卡邦尼汁而且煮得刚好，仍然带点嚼劲，食落有蛋同烟肉香，但因为加咗辣油所以稍为油腻咗啲。窝夫应该系呢间cafe嘅招牌甜品，除咗有竹炭糯米窝夫，最近仲出咗脏脏Tiramisu窝夫。咖啡味窝夫表面洒上Vahlrona可可粉，Mascarpone忌廉畀得好慷慨配料有自家制牛奶雪条、honey comb同朱古力消化饼。咖啡窝夫烤得外脆内软，淋上咖啡酒糖浆配埋Mascarpone忌廉一齐食好好味自家制牛奶雪条比较淡味，牛奶味唔突出，而且甜度属于微糖，可能想走健康路线？但夏天食呢条雪条感觉几消暑嘅。整体嚟讲食物质素唔错，咖啡好饮，价钱亦好合理。下次会再嚟饮咖啡食窝夫。