影片
更多
2024-08-28
186 浏览
今日同朋友两个晚餐就试咗呢一间开咗冇耐嘅饺子舖。都已经去到夜晚八点，仍然都仲系好热闹，keep住有人排紧。入到去，铺面唔算大，有一张长Bar枱同几张4人枱。舖头风格比较可爱轻松，有好多猫猫装饰。呢度嘅餐牌除咗有汤饺煎饺食，亦都有其他小食可以俾你选择。今次我哋嗌咗一份煎饺同一份汤饺，两者都可以双拼。而小食方面我哋就试咗日本凉拌山药同埋月见鸡肉棒。饮品就叫咗自家制洛神花茶。一黎先上小食，凉拌山药第一次食，有得点wasabi。山药口感好得意，咬落去系爽口嘅，亦都有外边潺潺嘅一层，可以做到拉丝，有少少似食秋葵嘅感觉，好特别同清新，好啱夏天食。而月见鸡肉棒，就配一只酱油生鸡蛋捞埋一齐食。鸡肉棒好有口感，加埋浓郁嘅蛋香味，食落好满足。而主角饺子方便，煎饺我哋就叫咗黑松露粟米猪肉饺同埋芝士辣鸡饺。黑松露味好出，加埋粟米，鲜甜好味。饺子皮都煎到好香脆，唔会过厚。而芝士辣鸡饺就真系好香口惹味，芝士可以做到拉丝，同埋亦都真系几辣。至于汤饺我哋就叫咗大叶鸡肉饺，同埋鲜虾带子猪肉饺。汤饺一样做到皮薄同埋有烟靭。大叶鸡肉饺估唔到大叶系紫苏叶，充满着紫苏嘅香味，钟意食紫苏嘅人一定好钟意。而鲜虾带子猪肉饺一啲都唔吝
入到去，铺面唔算大，有一张长Bar枱同几张4人枱。舖头风格比较可爱轻松，有好多猫猫装饰。
呢度嘅餐牌除咗有汤饺煎饺食，亦都有其他小食可以俾你选择。
今次我哋嗌咗一份煎饺同一份汤饺，两者都可以双拼。而小食方面我哋就试咗日本凉拌山药同埋月见鸡肉棒。饮品就叫咗自家制洛神花茶。一黎先上小食，凉拌山药第一次食，有得点wasabi。山药口感好得意，咬落去系爽口嘅，亦都有外边潺潺嘅一层，可以做到拉丝，有少少似食秋葵嘅感觉，好特别同清新，好啱夏天食。
而月见鸡肉棒，就配一只酱油生鸡蛋捞埋一齐食。鸡肉棒好有口感，加埋浓郁嘅蛋香味，食落好满足。
而主角饺子方便，煎饺我哋就叫咗黑松露粟米猪肉饺同埋芝士辣鸡饺。
黑松露味好出，加埋粟米，鲜甜好味。饺子皮都煎到好香脆，唔会过厚。
而芝士辣鸡饺就真系好香口惹味，芝士可以做到拉丝，同埋亦都真系几辣。
至于汤饺我哋就叫咗大叶鸡肉饺，同埋鲜虾带子猪肉饺。
汤饺一样做到皮薄同埋有烟靭。大叶鸡肉饺估唔到大叶系紫苏叶，充满着紫苏嘅香味，钟意食紫苏嘅人一定好钟意。而鲜虾带子猪肉饺一啲都唔吝啬食材，入边又好大粒虾同带子，好满足。
而饮品由佢哋自家制嘅洛神花茶，饮落好清凉唔会过甜好解渴。
张贴
