餃掂手工餃子雲吞專門店

平时非常钟意食饺子，去开嘅饺子店都不外乎系一啲大型嘅连锁店，呢排就沉迷咗喺呢间饺子专门店，由于系呢头返工嘅关系，基本上每个星期都至少会喺度食一次午餐或者晚餐，贪佢嘅性价比好高。呢间专门店嘅位置非常阔落，同一般小店坐得好迫夹，真系差好远。顾名思义一定要喺呢度食佢嘅饺子啦。呢个系龙凤蒸饺，有好香嘅黑松露同白松露味，平时都比较少食呢两个味道。另外仲叫咗牛肉煎饺，煎得非常香口，而且啲牛肉味非常浓郁。仲会送呢个汤俾你饮。食饺子都要叫一啲小食伴下，今次叫咗个鸡翼。另外仲叫咗呢个粉皮，少少辣好惹味。另外仲叫咗杯豆浆同埋特饮。