SAKEH

营业中

休息中

Sakeh系天文台道一间新开嘅日式居酒屋，位置虽然僻静，但估唔到非常旺场，所以一定要预先订位。佢地嘅装修唔似传统日式居酒屋咁以木色做主色，反而系走形格路线。野菜条($30) - 一坐低，侍应例牌先送上野菜条，蘸面豉酱食，惹味得殷唔会太咸。蟹膏豆腐($68) - 蟹膏豆腐好滑溜，每件豆腐上面都有蟹肉，另外仲有三色蟹籽，一口一件，清清凉凉都系唔错嘅前菜。自家制免治鸡肉软骨($48) - 鸡肉棒中间加左鸡软骨，食落多左脆口感，鸡肉棒腌得入味，再捞埋蛋汁食咸咸香香好啱𩠌酒。厚切牛脷($88) - 牛脷都几厚切，咬落去几弹口。粟米($38) - 粟米烧待啱啱好，食落甜甜地唔会烧到太干。烧饭团($38) - 拣左原味烧饭团，饭团表面烧到脆脆地，但唔会过硬，只系略嫌紫菜有啲受潮唔够脆。绿茶蕨红豆白玉($60) - 绿芋蕨饼同红豆白玉系经典配搭，不过哩个甜品外形整倒好似贝壳咁，卖相都有花过心思。红豆大粒又香甜，绿茶蕨饼甘香软糯，见好多枱都有叫。总结，串烧热辣辣，味道都唔错，不过份量就偏细份，当系Happy Hour或宵夜饮下酒食下串烧系唔错嘅选择。