翠林辣蟹舫

今次介绍呢间餐厅都已经帮衬左过好多次，通常一大班人食饭、饮酒、吹水，都会黎呢一间翠林辣蟹舫。除左辣蟹出名同埋有好多网红打卡之外，最主要款款小菜都大份又好食，而且价钱相当合理，仲会每个月更新菜式，保证有惊喜！黄金豆腐 $68前菜一款大人细佬都钟意既黄金炸豆腐，真真正正外脆内嫩一咬劲松化既口感，撒上椒盐认真和味！椒麻酸菜鱼 $288酸菜鱼一直都受人欢迎既菜式，呢间餐厅既酸菜鱼，酸、辣特别出色，会见到特别多既酸菜同埋辣椒放面，内里仲有唔同种类既配菜，例如莲藕、木耳等。避风塘羊腩 $188餐厅话系今个月既新菜式，个羊腩用避风塘蒜蓉烹调，完全盖过羊须既味道，香浓又带点辛辣既激情，咬口非常松软，值得一试！金勾煮葫芦瓜 $128金勾包括虾米、肉碎、粉丝等煮葫芦瓜，用热煲烹调既蔬菜，有少少汤汁既精华有种鲜甜既感觉，算系比较创新既菜式。