牛大人台灣火鍋吃到飽 (偉華中心)

营业中

休息中

每次经开牛大人都有长长嘅人龙，今次预先book好位，吾使排队直入。有3个餐拣，主要分别系吾同质素嘅牛肉同食物嘅种类。我哋叫咗最丰富嘅套餐 -120分钟澳洲极上和牛吃到饱，呢个套餐先食到澳洲和牛M5牛肩卷、安格斯牛小排、手切封门柳、安格斯一口牛肉粒，今次仲有期间限定嘅SRF美国黑牛后腿肉同埋北海道十胜豚，每人仲会送两粒M9和牛牛丸。汤底方面，共有10款，有辣有唔辣，亦有养生系列，加$50可转鸳鸯锅。今次拣咗阿嫲养生浓汤锅，呈奶白色，比较健康。肉类方面，必食澳洲和牛M5牛肩卷同埋安格斯牛小排，澳洲和牛M5牛肩卷油脂丰富，比例平均，牛味浓郁；安格斯牛小排肉质鲜嫩多汁，丰富大理石花纹，口感细致。赠送嘅M9和牛牛丸一咬落去充满肉汁，非常弹牙可口😋手打滑类亦非常出色，推介蟹籽墨汁浆同埋章鱼珍珠浆。蟹籽墨汁浆入口富有弹性，口感爽脆；章鱼珍珠浆食到粒粒章鱼肉，爽口弹牙。另外有一个自助区，可以拣选丸类、菜类、饭面类、饮品同埋调味料。饮品除咗罐装饮品，仲有自家制嘅洛神花茶、白桃乌龙等等。