劉興記生煎包專門店

营业中

休息中

一直都好钟意食生煎包，见到好多人介绍呢间生煎包专门店，而且开到周围都系分店，但系一直都冇机会试，根本终于有机会嚟试吓啦。一坐低已经摆低咗一杯豆浆，仲以为比错咗，原来呢度嘅豆浆系任饮㗎，唔怪得咁多人赞呢间舖头啦，老细果然好识做生意。佢嘅豆浆唔会太甜，豆味好浓郁，真系好值得欣赏啊。我觉得最值得赞赏嘅就系呢个酸辣汤面，因为佢嘅酸辣汤唔会太辣，但系味道好够，越食越开胃。而且佢嘅面煮得啱啱好，配埋酸辣汤真系好好食。另外佢嘅菜饭都好出色，我朋友叫咗个鸡扒菜饭，估唔到生煎包专门店嘅鸡扒都咁出色，我朋友话下次都一定会再嚟食呀。呢间餐厅价钱超平，而且质素好好，唔怪得开到周围都系分店啦。