影片
更多
2017-09-03
374 浏览
等埋朋友收工就去咗铜锣湾间FireBird,门面睇嚟有啲似咖啡店同酒吧嘅混合体.呢度其实系间日式串烧酒吧,装修好新派嘅感觉.餐厅有部份食材系产自日本,餐牌写采用嘅鸡肉品种系元气鸡同阿波尾鸡.虽然主打系鸡肉,不过亦都有提供其他肉类,同埋寿司,刺身,串烧等等日本料理.呢次我哋就试咗几样嘢,先嚟嘅系野菜棒配FireBird特制味噌,就咁睇个名以为系用蔬菜打成棒状嘅嘢,实际原来系冰镇蔬菜.蔬菜切成粗长条形,俾少少想像力的确可以叫做棒,分别有西芹,甜黄椒,甜红椒,青瓜,甘笋,车厘茄,粟米同番薯等等,爽爽脆脆咁,蘸埋微甜嘅特制味噌,简单得嚟又清新.自家制京风冷豆腐,豆腐滑溜,上面有葱花同姜蓉,可以同埋盐同酱汁一齐食,又系一个好轻盈嘅菜式.海鲜宝箱寿司,卖相好吸引.帆立贝壳上面铺咗海胆,三文鱼子,蟹籽,牡丹虾,帆立贝,三文鱼,油甘鱼,吞拿鱼同玉子,下面就系紫菜饭卷.盐烧鲑鱼腩,鲑鱼腩外皮焦脆,鱼肉绵而同有鱼油香,切成四小件,食得几方便.FireBird鸡肉串烧盛合,可以一次过试晒餐厅嘅日本产鸡肉串烧,包括鸡胸串,鸡腿串,长葱鸡肉串,自家制免治鸡肉棒配日本鲜蛋黄,另外仲有一串秋葵.佢哋嘅鸡肉脂肪含量少
等埋朋友收工就去咗铜锣湾间FireBird,门面睇嚟有啲似咖啡店同酒吧嘅混合体.
呢度其实系间日式串烧酒吧,装修好新派嘅感觉.
餐厅有部份食材系产自日本,餐牌写采用嘅鸡肉品种系元气鸡同阿波尾鸡.虽然主打系鸡肉,不过亦都有提供其他肉类,同埋寿司,刺身,串烧等等日本料理.
野菜棒配FireBird特制味噌
26 浏览
0 赞好
0 留言
呢次我哋就试咗几样嘢,先嚟嘅系野菜棒配FireBird特制味噌,就咁睇个名以为系用蔬菜打成棒状嘅嘢,实际原来系冰镇蔬菜.蔬菜切成粗长条形,俾少少想像力的确可以叫做棒,分别有西芹,甜黄椒,甜红椒,青瓜,甘笋,车厘茄,粟米同番薯等等,爽爽脆脆咁,蘸埋微甜嘅特制味噌,简单得嚟又清新.
自家制京风冷豆腐,豆腐滑溜,上面有葱花同姜蓉,可以同埋盐同酱汁一齐食,又系一个好轻盈嘅菜式.
海鲜宝箱寿司
30 浏览
0 赞好
0 留言
海鲜宝箱寿司,卖相好吸引.帆立贝壳上面铺咗海胆,三文鱼子,蟹籽,牡丹虾,帆立贝,三文鱼,油甘鱼,吞拿鱼同玉子,下面就系紫菜饭卷.
盐烧鲑鱼腩
25 浏览
0 赞好
0 留言
盐烧鲑鱼腩,鲑鱼腩外皮焦脆,鱼肉绵而同有鱼油香,切成四小件,食得几方便.
FireBird鸡肉串烧盛合,可以一次过试晒餐厅嘅日本产鸡肉串烧,包括鸡胸串,鸡腿串,长葱鸡肉串,自家制免治鸡肉棒配日本鲜蛋黄,另外仲有一串秋葵.佢哋嘅鸡肉脂肪含量少,质感比较弹牙,而自家制免治鸡肉棒就加咗少少鸡软骨,几有咬口.
秘传鸡肉火锅,鸡汤味浓郁咸香.配料除咗有软骨鸡肉丸同鸡肉之外,仲有豆腐,冬菇,甘笋,娃娃菜等等,都好丰富.
鲑鱼亲子釜饭,鲑鱼即系三文鱼,亲子嘅意思系指三文鱼肉同三文鱼子,餐牌写两款食材都系产自北海道.
侍应会帮我哋捞好啲饭,再另外用小碗载住.
三文鱼肉同三文鱼子之间仲有本菇等等,整体嚟讲味道冇负担.
炸番薯条
25 浏览
0 赞好
0 留言
炸番薯条,餐牌写采用嘅系日本宫崎番薯,每条番薯都系厚切,炸得脆口中有粉糯口感,蘸埋黑糖浆嚟食,完全唔觉腻.
试埋呢度嘅饮品,Lover Kyoto主要用抹茶,牛奶同糖浆冲调,另外仲有鲜忌廉,抹茶糖浆同白玉点缀,再用雕成玫瑰花咁嘅士多啤梨做装饰,饮落微甜.
Lava Flow就用咗菠萝汁,椰奶,樱花糖浆同士多啤梨糖浆混合而成.
杯边同样插咗雕成玫瑰花形嘅士多啤梨,同埋一片菠萝,骤眼睇同餐厅嘅公鸡图案有啲似.
张贴
