大壹燒鵝 (MOSTown Street新港城中心大街(3期))

营业中

休息中

最近楼下开左间新餐厅，个个街坊食完个烧鹅都赞不绝口，不论午市晚市都坐无虚席，今晚一于带埋屋企人一试究竟。到达时已见人龙，我地等了10分钟左右入座，店内有大鱼缸游水海鲜，玻璃橱窗排列整齐嘅乳猪烧鹅，待应已招呼不暇，但服务态度都好亲切有礼。我地总共落了四个菜，其中烧鹅和蒜蓉开边蒸虾差不多是每枱客人必点的。烧鹅4个人食叫半只都觉得好大份，鹅皮入口够脆，鹅肉肥瘦刚好，大大旧肉厚有肉汁，当然唔少得点埋酸梅酱一齐最好味啦蒜蓉开边虾大大碟份量十足，虾肉新鲜爽口，再配上啖啖蒜蓉粒同豉油汁，简直系这道菜嘅最佳食法，唔好唔记得食埋粉丝，蒸至软身唔会太硬，捞蒜蓉豉油索汁食最正豉椒炒蚬 蚬肉大大只无沙够新鲜 汁煮得刚好食埋配菜青椒不会太咸啫啫通菜煲 用烧热嘅瓦煲盛载，热辣辣够晒镬气惹味，肉碎留来捞饭食一流这里上菜速度快，服务态度良好，还有有乳猪、烧味、海鲜、避风塘都好吸引，一次过都试不完，难怪不乏捧场客呢。