平昌 By BBQ 7080 (已結業)

2/1/2017开始。12点几起床，想起平昌7080(之前吃过几次都不错)但咁晏唔知有冇哩? 咁我打电话去问下先啦，冇人听㖞， 咪谂住食过第二间啰，点知 冇几耐佢就覆返我，当时是1时06分，我就问佢，今日有冇中午自助餐食呀? 几多钱呀? 个人可唔可以食? 佢话一个都可以，讲晒啲价钱畀我听，重叫我而家来，我问佢最迟几点要到?佢话2:30，但你最好2点到，重叫我而家嚟㖭！咁我即刻搭的士去啰，点知1:45去到， 我同个男仔讲一位，咁佢叫我等一等，等完佢捧餐之后，我见佢叫个女仔同我讲，今日冇晒午餐呀! 佢哋居然话比我听今呢午餐已经冇晒喇 !本来已转身想走，等紧时唔忿气 。咁我再问佢哋午餐时间系几多点呀，佢又答唔出，佢先话我知今日厨房冇晒嘢食， 我话畀佢听冇晒嘢食头先打电话嚟𠮶阵时，你哋又叫我嚟? 佢先话你如果唔介意嘅，你可以坐低嘅。 咁我梗系唔会坐低啦你都冇嘢食啰! 但落到楼下，见仲有个阿婶喺度派紧传单，先知道佢又敷衍我啦!如果你中午已经冇晒嘢食嘅话，夜晚点算呀! 啲嘢食边度返得切呀! 仲有去佢个场有咁多个位，我上到去都未坐满嘅 ，我得一个人咋，又点食得晒佢厨房啲嘢呀！