影片
更多
2008-11-20
12 浏览
天气都凉咗唔少，今年冬天第一次去打边炉梗系拣呢间，食过无数次，小菜、酒席、打边炉都试匀晒，最正始终系打边炉，仲有佢𠮶甜品椰皇炖蛋白。㖊晚去到唔知系唔系真系因为冻呢，成个门口都逼满人，佢平日九点后都会有特价火锅，而且好多配料都系十零蚊碟，所以不嬲都系多人，不过㖊晚就觉得特别多人，经济唔好但系佢平所以生意就逆市多咗？无计喇，一心打边炉惟有等吓，未试过要等足四十五分钟，终于有得食喇！我哋最钟意佢由得啲客自己「混酱」，有沙嗲、麻辣、炸蒜、生蒜、红椒、葱花、连腐乳都有，不过唔知点解唔摆埋豉油！混完后我哋就等食嘞： 脆皮烧鹅皇：实在太肚饿啦，要咗一个例牌顶住肚先，估唔到都几好味㖞！我哋分到个下庄，大大嚿肉汁都几丰腴，皮亦烧得好脆好香，有惊喜！ 澳门猪骨锅：因为想试吓同澳门食过嘅差几远所以就叫嘞！果然同澳门完全唔同，虽然都系有萝卜、粟米同猪骨，但系材料就明显少好多，不过佢只系卖廿蚊，而且啲猪骨真系几好味，所以我都觉得抵嘅！佢仲有几个十蚊汤底好似好热门嘅皮蛋芫茜都系唔错嘅选择！ 潮州炸鱼皮：佢啲鱼片够脆又够大块，未渌我哋都会就咁食，当然渌过半稔仲正啦！ 大良鱼腐：呢个用嚟索汤几好味，不过要唔好咁早落，
天气都凉咗唔少，今年冬天第一次去打边炉梗系拣呢间，食过无数次，小菜、酒席、打边炉都试匀晒，最正始终系打边炉，仲有佢𠮶甜品椰皇炖蛋白。㖊晚去到唔知系唔系真系因为冻呢，成个门口都逼满人，佢平日九点后都会有特价火锅，而且好多配料都系十零蚊碟，所以不嬲都系多人，不过㖊晚就觉得特别多人，经济唔好但系佢平所以生意就逆市多咗？无计喇，一心打边炉惟有等吓，未试过要等足四十五分钟，终于有得食喇！我哋最钟意佢由得啲客自己「混酱」，有沙嗲、麻辣、炸蒜、生蒜、红椒、葱花、连腐乳都有，不过唔知点解唔摆埋豉油！混完后我哋就等食嘞：
脆皮烧鹅皇：实在太肚饿啦，要咗一个例牌顶住肚先，估唔到都几好味㖞！我哋分到个下庄，大大嚿肉汁都几丰腴，皮亦烧得好脆好香，有惊喜！
澳门猪骨锅：因为想试吓同澳门食过嘅差几远所以就叫嘞！果然同澳门完全唔同，虽然都系有萝卜、粟米同猪骨，但系材料就明显少好多，不过佢只系卖廿蚊，而且啲猪骨真系几好味，所以我都觉得抵嘅！佢仲有几个十蚊汤底好似好热门嘅皮蛋芫茜都系唔错嘅选择！
潮州炸鱼皮：佢啲鱼片够脆又够大块，未渌我哋都会就咁食，当然渌过半稔仲正啦！
大良鱼腐：呢个用嚟索汤几好味，不过要唔好咁早落，个锅要渌嘢食渌都咁上下先有味嘅！
贡丸：好食 肉质弹，入面嘅纤维好粗，食落好有质感！
虾丸拼墨丸：都整得几弹，不过虾丸味道唔系咁得，墨丸味道就一般！
金钱牛展：之前未食过牛展打边炉所以试吓，冇乜牛肉味兼好散，下次都系叫番肥牛或者滑牛！
日本空运生蚝：上枱时入晒雪，真系急冻空运？不过食落唔错，唔腥仲几鲜， 不过就好细只！
西洋菜：新鲜爽脆冇根，正！
酸梅汤：唔想饮汽水嘅另一选择，酸酸哋亦够浓都唔错丫！
好多人讲呢度啲服务唔系咁得我哋都系咁话，因为我哋攞飞等位问要等几多张枱时，个知客已经冇我哋咁好气咁答：十几张啰！今日好多人爆晒架！食紧时想要多一碟豉油叫咗应咗都系唔会攞比你，要叫多次，不过佢啲嘢食真系得嘅，但系只限于打边炉！佢嘅小菜味道都唔错嘅，点解唔食小菜同埋大时大节唔嚟食一围𠮶啲酒席？因为要侍应招呼嘅程度比打边炉多，所以有时都会几劳气！都系斋嚟打边炉稳阵！
太饱嘞，今次食唔到佢𠮶好正又好抵嘅椰皇炖蛋白添！
张贴
