國穗軒

营业中

休息中

今日老闆請食飯，大佬佢就話喺合和中心7樓有間新開嘅酒樓叫做國穗軒，我哋book咗午餐七位。我同另外兩位同事去攞位，另外就叫咗啲點心同埋一個炒麵。點心叫咗:蟹籽燒賣王，金銀蒜蒸排骨，XO醬蒸鳳爪，醬黃金錢肚，南乳炆豬手百花釀魚肚，黑松露鮮蝦帶子餃，黑松露鹹水角，黑魚子炸芋角，蒜香鮮蝦春卷，沙律明蝦角，黃金鮮奶卷，日式和風脆皮腸，春風得意腸。小食叫咗皮蛋酸薑，一口脆皮豆腐甘薯蜜汁一口牛，另外仲叫咗咕嚕肉煎脆麵°總括嚟講傳統點心比較失色，最突出嘅係黑松露鮮蝦帶子餃，賣相精緻，帶子新鮮，鮮蝦好大粒。另外咕嚕肉煎脆麵，咕嚕肉外脆內軟麵煎得香脆唔油，一口豆腐比較失色，淡已無味不夠熱度，金薯蜜汁一口牛幾好味，可惜牛得幾粒，薯仔甚多😂酸薑皮蛋皮蛋係糖心皮蛋非常好味，日式和風脆皮腸和春風得意腸賣相一般味道一般，自從傳統點心鳳爪豬手，唔夠入味，排骨一般°但埋單又唔係好貴，叫咗咁多嘢食，總括嚟講，食物味道可以，有機會會再來🙂‍↔️