影片
更多
2018-03-29
155 浏览
上次白色情人节，去左元朗食大滚友。冬天，最好就系吹鸡打边炉嘅时候，今次去左一间好得意嘅火锅店，叫「大滚友」，真系好贴切，因为佢用咗创意无限嘅菜名，例如：今晚饺唔饺、樱唇半开、饱暖思牛肉同飞机手打丸 店内装修以中国style为主，用咗中国图案嘅餐具，就连汤锅都用咗个龙头作装饰，好有气派呀！有我最喜欢嘅《手切和牛拼盘》，油脂比例平均，有大理石状嘅花纹，食落肉质滑嫩，但牛味唔系好浓，煮一阵再添上自制酱汁就更加惹味！店员叫我哋试吓佢嘅《花胶鸡汤锅半只$288》，又名玲珑浮凸，果然！好鲜味，奶黄色嘅鸡汤，加上超多花胶，仲好厚肉，店员会帮忙剪到细旧啲，方便进食。丰富嘅骨胶原，真系好满足！店员话鲜鸡已经整熟咗大半，滚一滚就食得，食落又香又滑，一啲「鞋」口都无，虽然我哋只系叫咗半只鸡，但只鸡系好大只，好努力先可以KO佢。将《猪颈肉$48》卷成嘅玫瑰花猪颈肉，外貌已经非常讨好，紧系要相机食先啦。猪颈肉已经切成薄片，好快熟，入口爽口弹牙。《即炸黄金响铃$68》呢个系我至爱，即炸，有香浓豆味，加上咸蛋黄嘅香味，仲要脆卜卜，就咁食都得，仲惹味。今晚我哋四条友真系「滚」得好厉害，叫咗好多野食，但又清晒㖞，无做大
冬天，最好就系吹鸡打边炉嘅时候，今次去左一间好得意嘅火锅店，叫「大滚友」，真系好贴切，因为佢用咗创意无限嘅菜名，例如：今晚饺唔饺、樱唇半开、饱暖思牛肉同飞机手打丸
店内装修以中国style为主，用咗中国图案嘅餐具，就连汤锅都用咗个龙头作装饰，好有气派呀！
有我最喜欢嘅《手切和牛拼盘》，油脂比例平均，有大理石状嘅花纹，食落肉质滑嫩，但牛味唔系好浓，煮一阵再添上自制酱汁就更加惹味！
店员叫我哋试吓佢嘅《花胶鸡汤锅半只$288》，又名玲珑浮凸，果然！好鲜味，奶黄色嘅鸡汤，加上超多花胶，仲好厚肉，店员会帮忙剪到细旧啲，方便进食。丰富嘅骨胶原，真系好满足！店员话鲜鸡已经整熟咗大半，滚一滚就食得，食落又香又滑，一啲「鞋」口都无，虽然我哋只系叫咗半只鸡，但只鸡系好大只，好努力先可以KO佢。
将《猪颈肉$48》卷成嘅玫瑰花猪颈肉，外貌已经非常讨好，紧系要相机食先啦。猪颈肉已经切成薄片，好快熟，入口爽口弹牙。
《即炸黄金响铃$68》呢个系我至爱，即炸，有香浓豆味，加上咸蛋黄嘅香味，仲要脆卜卜，就咁食都得，仲惹味。
今晚我哋四条友真系「滚」得好厉害，叫咗好多野食，但又清晒㖞，无做大嘥鬼㗎！
张贴
