文記車仔麵 (福榮街)

营业中

休息中

我哋今日一家三口朝头早就去食文记车仔面，因为顺便经过就想食，都唔算好多人排队，等咗大约10分钟就到我哋。我就嗌咗一碗粗面，叫咗萝卜，瑞士鸡翼同埋玻璃鱿鱼🦑其实啲𩠌都真系几好食，因为我经已唔系第一次帮衬，所以耐唔耐我都会想食吓佢个车仔面，佢嘅辣真系调得唔错👍🏻但系今次个粗面就真系有啲失准，食嘅时候夹起嚟仲会有一饼饼嘅感觉，都未将啲面完全分开晒，仲有啲硬，真系有啲失望😖另外我叫咗一杯热菜蜜，嚟到个杯边系好污糟，抹极都抹唔甩，咁我就再叫佢换多另一杯俾我，再换过一杯嚟，个杯边仍然都系好污糟，我唔知佢系有换，定系攞返原本个杯嚟俾我😅咁我最后就冇用过杯嚟饮，倒咗落另一个杯用饮管饮。今次整体嘅感觉真系有啲失准，希望只是今次失准，如果唔系就真系配唔上米芝莲呢个称号。