波仔

营业中

休息中

自己成日都会食开波仔，上次食完个鱼香茄子饭之后，觉得几好食，所以今次再买多少少，应付夜晚禁堂食嘅政策。今次我买咗两个饭再加一个清汤牛腩，分别系粟米肉粒饭，同埋鲜茄猪扒饭。拎到返屋企嘅时候，我第一时间就将佢放入冰格。由于我屋企冇微波炉，所以就要用到蒸焗炉，而用蒸焗炉翻热嘅时候，都会先将佢拆出嚟，放入铁碗里面。粟米肉粒饭嘅肉粒唔硬，有肉味，个酱汁都几香，甜甜地，攞嚟送饭嘅话，其实都几开胃。鲜茄猪扒饭，猪扒略嫌唔够脆，亦都唔够硬身，但$24可以食到呢个饭，其实性价比都算几高，再加上，佢个茄汁都几香浓，算唔错啦。反而我最钟意嘅就系佢个清汤牛腩，起初我以为波仔嘅清汤牛腩肉质一般，点知一食落嘅时候超级有惊喜，我可以讲，佢嘅牛腩肉质比较嫩，唔轫，我估如果用香港嘅粉面档嘅水平推广嘅话，佢嘅牛腩绝对系中上水平，所以今次成晚特别都想推介你入嚟菜式， $49 ，我觉得都会有质素喺里面。