譚仔三哥米線 (已結業)

尖椒皮蛋皇，其实我好想试架，我对新菜式系好有好奇心，亦好有冒险精神﹗但朋友仔唔食冷盘的呢。猪润木耳牛肉米线配酸辣汤，卖相求那期，车仔面都好过佢。汤底只有劲酸味，酸味盖过一切，食唔到辣。我明明记得多年前酸辣都可以撰择辣度架㖞，为何依家无得拣？只有大埔店唔得？大量生滚芽菜，草青味浓，全数拨比朋友仔，我唔食芽菜的。猪润保持水准，干鞋硬齐晒，木耳爽脆无特别。腐竹牛肉鸡肉扭纹红薯粉配煳辣汤，淡而无味水汪汪。仍然唔比我拣辣度，以前食煳辣大辣要煳辣大辣不知几鬼刺激呀 ﹗滑牛乸到腍劈劈，鸡肉干鞋，腐竹索汤好味，红薯粉又弹又咽韧连汤一齐食，好味。土匪鸡中翼，跟我多年前食𠮶次完全唔同，当年完全无腌过，里面半点味道都没有，烧熟就洒上孜然粉同香草系表面捞混就算，好难食。但今非昔比，腌得入味，外层有香浓香草孜然味，烧得外皮香口里面嫩滑，条脷仲食到有点麻痺添 ，好食！