譚仔三哥米線 (已結業)

平日粉麪都好擔心d職員洗得唔乾淨，呢間都算幾好，疫情其間真係分開d枱，人同人之間保持距離，職員又有另外派餐具。今日試左呢個豬件，好似新嘢嚟，呀姐介紹，味道都ok 但都係大土好食

估唔到白色情人節竟然係食米線！ 不過其實係我見佢幾得意而叫既我地去到就太遲啦，冇哂青瓜，比左兩個唔同汁既雲耳我地。麻辣就勁啲，口水汁就清爽岩我呢啲食唔到太辣既人。過橋米線冇咩特別，不過可以轉我最多既砂砂湯。雞翼都係大路野。我地另外加左份豬排，好抵食又大份！雖然食得出係雪藏味，但都一讚！飲品藍色係有薑味既梳打，紅色係辣既fruit punch。不過我覺得紅色太辣啦，最後放棄左。最後啊姐仲送左兩粒朱古力，同我地講情人節快樂添！so sweet!

其實去食一般普通的雲南米線，都不會有太多要求，但真系不得不分享這次的經歷，在點完一碗米線的時候，店員送來時，不斷地跟另一位店員在談天，我建議下次他們可以先戴好口罩，以保障大家的健康。

口水雞，醬汁強酸乸脷！浸落麻辣熱湯中沖洗一下再試，大肥雞皮厚脂肪多油感重。雞皮滑溜，白肉乾鞋無味道！過橋米線大麻辣走芽菜，我完全聽唔明大媽譚仔話講乜春春，我係要紐紋薯粉，唔要米線，火都黎！州嬸是否唔識廣東話？您培訓完先啦！幾乎每次都食同一款過橋鍋，最多轉下湯底轉下麵，大雜錦什麼食材都有齊，無需傷腦筋。十全大寶盒！雞肉、腩肉、火腿、豬膶、魚蛋、炸醬、腐皮、豆卜、韮菜、竹笙。每次當這個巨大碗送到時，附近食客無一不投以羨慕而驚訝的眼神！再加多碟小食，他們更加不敢相信只係我自己獨食的份量，還有那濃烈刺鼻的大麻辣湯氣味，更令她們俯首稱臣！輕而易舉整碗過橋連小食都全方位消息，麻辣湯都被我灌去大半碗呢！先將全部咸酸菜及炸醬落到麻辣湯輕輕攪拌，要溫柔不要粗暴，讓她們還倚在表面，那麼夾米線時可以順勢拖著品嚐就更更更豐富滋味。雞肉極鬆，腍劈劈醃味濃。腩肉五花脂肪膠彈甘甜，瘦仔略鞋嚥韌。火腿輕咸滑滑，淺淺咸味。豬膶過火過熟，乾硬突出。魚蛋的骰迷你，微彈微香。腐皮？炸過叫炸枝竹，無炸叫腐竹。豆卜任何湯的絕配，吸湯力特強，灌湯掉入嘴仔，爆開辣汁暢快無比。炸醬味濃少少辣，黏黏漿嘴，跟鮮爽韮菜竹笙米線齊啜入口，三路

慣常一星期都會去食一次譚仔，同常都是叫一個過橋米線餐加凍檸茶。今日去到譚仔坐低，見到佢有兩款新特飲，其中一款是我最愛的荔枝味特飲，立即叫杯試一下。特飲不太甜，但真的有一粒荔枝在杯內，加分不少。此款飲品應該係期間限定，想去試下就要捉緊夏天的尾巴啦!

越開越多米線鋪 , 所以少左食譚仔 , 但間唔中都會幫襯 , 因為太掛住土匪雞翼 😍😍😍11點落到黎 , 點知太早未開門 , 原來開 11:20 am 🤣🤣 , 門口已經有幾個人等緊佢門口 餐牌:竹笙雞肉米線 5 小辣 ($40)有大概 4 - 5 條大竹笙 , d 竹笙吸曬個麻辣湯 , 一咬 , 好爽口 , 仲咇曬 d 麻辣湯汁 ,  好好食 ~雞肉平時好嫩 , 今日煮得比較鞋 ~米線有芽菜 , 腐竹 同 少少韭菜雖然我食芽菜 , 但每次見到 d 芽菜尾 都唔係好想食 😅 大土匪雞翼 ($30) 有 5 隻 , 無得輸 ~ 其他餐廳都會有土匪雞翼 , 但始終係譚仔最好食 , 皮脆肉嫩 ~ 好夠味 ~

本人好鍾意食酸辣，所以一直黎都好鍾情於譚仔。 因為又平 又好食。同埋每次去到一聽到譚仔姐姐既癱仔話，都好有親切感。❤️今次叫左一個過橋米線套餐，叫左酸辣，米線配上酸辣湯底，真係非常好食，好開胃。而當中有我最喜歡既墨丸，腩肉，酸菜，豆卜。真係一次過滿足晒我4個願望😍。因為同人share所以可以叫埋最出名既土匪雞翼，外皮炸到脆卜卜，入面既肉仍然係滑溜溜，再配上芝麻既香味。真係好正！另外，為左健康著想，仲叫左個豪油生菜，生菜都好新鮮，好好味。

耐不耐都會去譚仔三哥度食米線， 今日放工去食 ，喺門口見到佢有一款新小食燒茄子辛蒜燒茄子可能因為係我個人口味，比較鍾意食燒得較淋既茄子， 呢個燒得冇咁淋， 上面鋪咗大量嘅蒜蓉同埋辣椒粉， 味道尚可， 都幾辣。麻辣拌豬耳個麻辣味調得幾好，唔算好辣，都幾麻， 但係個豬耳可能炆得唔夠耐， 有少少韌。過橋米線(重慶酸辣小辣)基本上每次去譚仔食嘢都會叫過橋米線， 因為唔使諗食乜嘢餸，配料有牛肉，雞肉，腩肉，豬潤 豆卜， 竹笙 ，芽菜，生菜 等等， 幾鍾意佢個湯底 酸酸哋麻麻地辣辣地， 我通常一個人都食得曬。

打電話過去外賣自取，等二十分鐘都仲未拎得(店裏冇乜人)問佢可唔可以快啲同佢有吹過，佢淨係話你前面仲有單坐低等啦， 最後等左20幾分鐘先至有得拎，呢間外賣要等好耐。

每逢放假都會去買譚仔食，係譚仔既忠實FANS，但原來我未試過一個人食套餐。琴晚早食飯，今日餓餓地，一於就叫個套餐食飽D。 叫左個套餐三小辣，辣度就岩岩好，之前成日食小辣但食完肚有時唔係咁舒服，所以都係食下BB辣過下口隱算。 原來一個人食套餐都幾飽，哈哈，下次都係食反兩餸米線算。

午飯時間, 如没特別喜及要求, 同事們腳步總會自動走往這裡。譚仔三哥。麻辣豬耳 $19必食度⭐⭐⭐⭐麻麻辣辣, 非常開胃。餐前必點小食。腩肉豬潤3小辣 $36必食度⭐⭐⭐⭐人長大了, 選擇與喜好會相對變少。腩肉、豬潤、麻辣湯底, 麻辣湯底味道濃而不膩。辣味滲入配料內, 令配料味道變得更為香濃。湖南土匪雞翼 (大) $30必食度⭐⭐⭐⭐另一招牌小食, 外皮焦香、汁多肉嫩。調味料盡滲食材內, 非常惹味。

放完假之後返工真的是十級的忙碌，連食飯的時間也差點沒有，襯有小小時間剩，就立刻走去「三哥」食過快閃午餐先啦！！「三哥」的米線一向表現平穩，唔會有太大的問題出現，所以立刻就可以點菜，選擇我一向叫開的組合啦！冬菇炸醬米線（清湯）近排新年食得太多好野，有點熱氣，於是點了清湯做底，小小咸香味，加埋冬菇叫做吃了點蔬菜！清湯配合炸醬是好好的配塔，因為為淡淡的咸香帶來衝擊，惹味點可把米線吃清光！土匪雞翼～繼續保持質素，外皮香脆，非常惹味，真的是很出色的雞翼呢！若想吃個快飯，又不知選擇甚麼，三哥是個穩陣的選擇呢！

我係米線愛好者～但一講起譚仔真係唔想食～之前食過2-3次都係一樣咁難食又多味精～食飲狂飲水～不過2人行佢話要食依間我都冇計叫咗喇沙魚腐米線、酸湯腩肉米線、同土匪雞翼～新出喇沙湯底加一蚊轉湯底～食落得個辣字～感覺似米線湯底加椰汁～總知就伏伏地酸湯腩肉米線賣相麻麻味道偏淡～腩肉似水煮完全冇味～成碗都冇味攞命土匪鷄翼賣相吸引可惜得鷄味上面味粉唔入味再加上黑芝麻有燶味～$18三隻揾笨真係唔會有下次～去食其他好過

連續4日米線日，譚仔的確係平靚正選擇！事關$30左右已經有不一餸同其他配料，唔大食嘅都好夠飽，細食嘅就叫少米可以慳一蚊豬肉唔會太肥，配合芽菜腐竹等配料，連爽滑米線，真係冇得輸嘅組合就算lunch連食都唔會厭，好多人鍾意食辣，但其實清湯都好好味㗎

三哥米線係我讀書時的回憶，間唔中就會懷念佢個湯底，有時諗唔到食咩都會去食三哥今晚就同左友人去食三哥啦！本人唔太食得辣，所以每次都會叫清湯，俾友人話唔食辣就唔好食三哥但我仍然愛佢的湯底，其中每次必叫的就係炸醬，小小辣好野味，配清湯十分之襯🤣友人叫左胡麻湯底，坐起隔離都聞到好大陣味，食得辣的友人話一d都唔辣，佢話好香這并不是我杯茶！hahaha～～米線份量好多，每次都食唔哂，所以今次叫左小米線，原來小米線可以減$1！！細食的人可以試下