潮州冷小炒 (已結業)

卤水鹅片，我每次都对依度既鹅片赞不绝口，卤水香甜不咸不呛，肉质嫩滑又多汁，但今晚失手了 ﹗招牌菜？以前系招牌菜啰，仲系必食之选，不过今非昔比，依家好失望呢 ﹗翻查记录，卤水鹅片一路以来都好好味架，超级嫩滑又无渣，卤水香甜美味 ﹗是否师父放假呢？唔会换左师父咁大件事挂？而且今晚碟鹅片等得特别耐，莫非唔熟手？鹅片纹路及厚薄跟食开唔同，较为厚身、鞋口、硬实、有点干，大失水准，质量插水，卤水偏咸浊，芳香味道不再，肉质干硬鞋。师傅您系咪唔开心呀？韮菜猪红，个汁免免强强合格，味道够浓但单调左少少，猪红有点腥味㖞。煎糯米酿大肠，期望过高了 ﹗不香不甜，无咩既，麻麻地。外皮脆而糯米咽韧，味道一般。半煎煮乌头，上次食好好味架㖞，真系往事只能回味喇。鱼肉无鲜味，温度又唔够热，暖暖地而味道偏淡。潮州蚝仔粥，又系暖暖地，蚝仔又瘦又少，粥底带甜带肉味都还可以，但唔够热使到味道大打节扣啦。榄菜炒饭，无镬气，微咸无蛋香，味道单调。因为我系湾仔某斋舖食过非常好味，所以专登叫黎试试，谁知系天渊之别。三个人都食剩咁多野，原因咪系味道未如理想啰。质数下滑大插水，价钱又贵，难怪晚晚都水静河飞啦。依家九点半已剩低三枱客都煮成这