WM Café & Bar (科學園) (已搬遷) 新店位置

今日同朋友去咗科学园放风，放到咁上下就睇下附近有咩食 ; 科学园其实都几大，而且都有唔少餐厅同重有 Food Court，竞争应该相当大。见到呢间餐厅环境唔差几开扬，加上应该系食西式嘢，而且分左室外同室内，方便吸烟或者带宠物来既人仕。👍🏻因为系闲日既下午，又过左 Lunch 时间，所以餐厅得我同朋友一枱客。唔知餐厅系咪全自助，见到两个待应企系度倾计都无斟水比我地，所以自己斟。烟三文鱼忌廉芝士阔条面 : 有烟三文鱼、车打芝士、冬菇、芦笋。可惜酱汁实在太少喇，所以成个面都很干，而且餐厅用呢只阔条面实在太厚身同太硬，令成个阔条面大打折扣。😔 😔芥末蜜糖烟火腿 Pizza : 饼底几脆口，每啖都食到芥末蜜糖味，火腿份量都多，不过如果多返啲蟹柳丝，青椒果类配料点缀下，口感味道层次会更一步提升。其实餐厅地理位置一流，如果服务同食物质素再做好一点，相信可以喺科学园打响名堂并唔系难事。