JK Kitchen (已結業)

登龙街直情系铜锣湾嘅食街，好多高质餐厅都隐藏系商厦之中。今次揾到呢间JK kitchen，朋友话个环境同嘢食都好，就听佢讲试下。周末去都几多人，要book定位先唔会摸门钉。环境真系好别致，唔讲以为食西餐，好适合三五朋友或情侣黎。本menu好厚，菜式有好多选择嗌左越南菜最经典菜式之一，香茅猪扒汤河，好大碗呀！欣赏佢猪扒同汤檬分开上，唔会浸腍哂，仲可以选择落咩配菜～个汤底好馥郁，一啖接一啖，猪扒唔干身。越式大虾柚子沙律，好足料，似主菜多过前菜，有椰菜、萝卜丝，加埋泰式酸甜汁，好开胃，大虾系另外煎香嘅，爽口脆身，鲜味够，令成道菜嘅层次更丰富。见到menu竟然有台式奶茶，仲要有半价添，试左胚芽奶茶，味道好浓郁好creamy，啱我口味。