影片
更多
2024-05-17
138 浏览
母亲节特别带至爱既母亲大人食餐好既，因为母亲节当日吾系香港，所以迟左几日补返数，知道母亲大人钟意食龙虾，所以揾左一间好特别既餐厅，提早book位仲预留左龙虾，比个惊喜佢。呢间日本餐厅有位识讲广东话既日本厨师坐阵，以日式串扬做卖点，香港比较少有，以前仲系以串扬omakase 为主，宜家改左做散叫，可以自己拣钟意食既串扬，而餐厅既食材都系来自日本，有返一定级数。原只伊势海老配瀑布芝士 $598伊势海老系来自日本既龙虾，以串扬方式，将龙虾起哂肉再炸，炸衣好薄好脆，龙虾肉鲜味浓郁，口感弹牙，师傅将龙虾头既膏加入芝士作为酱汁，满满既热溶芝士倒落龙虾肉，味道再升华，邪恶感满满！时令生蚝配有马山椒 $138一只呢只系我暂时见过最大只既生蚝，真系足足一只手板既长度。来自日本岩手县赤崎生蚝，肥美饱满，肉质厚实滑嫩，味道好鲜甜，加左有马山椒作调味。萤光鱿鱼冲渍 $88貌相精致，萤光鱿鱼食落好新鲜，味道咸咸地，表面加上金箔，好适合配清酒或者配白饭食。拣左4款串扬：烟肉蚝卷 $58好特别既创作串扬，用烟肉包住生蚝，生蚝半熟，食落好juicy，再用烟肉包住去炸，好巧功夫既串扬。芝士黑松露 $58原粒芝士去炸，口
呢间日本餐厅有位识讲广东话既日本厨师坐阵，以日式串扬做卖点，香港比较少有，以前仲系以串扬omakase 为主，宜家改左做散叫，可以自己拣钟意食既串扬，而餐厅既食材都系来自日本，有返一定级数。
原只伊势海老配瀑布芝士 $598
伊势海老系来自日本既龙虾，以串扬方式，将龙虾起哂肉再炸，炸衣好薄好脆，龙虾肉鲜味浓郁，口感弹牙，师傅将龙虾头既膏加入芝士作为酱汁，满满既热溶芝士倒落龙虾肉，味道再升华，邪恶感满满！
时令生蚝配有马山椒 $138一只
呢只系我暂时见过最大只既生蚝，真系足足一只手板既长度。来自日本岩手县赤崎生蚝，肥美饱满，肉质厚实滑嫩，味道好鲜甜，加左有马山椒作调味。
萤光鱿鱼冲渍 $88
貌相精致，萤光鱿鱼食落好新鲜，味道咸咸地，表面加上金箔，好适合配清酒或者配白饭食。
拣左4款串扬：
烟肉蚝卷 $58
好特别既创作串扬，用烟肉包住生蚝，生蚝半熟，食落好juicy，再用烟肉包住去炸，好巧功夫既串扬。
芝士黑松露 $58
原粒芝士去炸，口感外脆内软，黑松露味非常香浓。
鸡尾 $28
鸡尾食落完全无腥味，好似食紧一般鸡肉，不过比较爽口啲，炸衣同样好脆好薄。
岩国莲藕 $28
莲藕好爽脆，加上炸衣更突显个脆口感。
火炙大拖罗 $128 一件
师傅好好人，会比消毒酒精湿纸巾先抹手，再比呢旧用紫菜包住既大拖罗我地食，师傅仲话最好一啖食哂佢，入口个下鱼油爆发哂出黎，入口溶化，鱼香味十足，口感非常好。
三文鱼 明太子 茶渍饭 $58
最后以茶渍饭作结尾，明太子咸香味配鲜甜香浓既饭一齐食，好好味。
张贴
