影片
更多
2017-07-11
58 浏览
唔好以为黎到铜锣湾就好难揾到好野食。其实只要绕过大街，走入小巷，我地依然可以发掘到周边美食。 就好似呢间豊胜手丼，位于铜锣湾广场2期后街，唔系专登行入去，都几难发现。店铺门口不大，一不留神都会行过左。铺内亦最多只可容立16位顾客。店内挂有日本字黑板及木板，不失日本风味。主要就有九种饭丼选择，我地纠结左好耐最后拣左沢豊云丹丼同二重鳗丼。讲返个丼先，黎到果时我地都吓左一跳。可以讲真系色。香。味俱全。师傅砌得好靓，好有心机，十足十真系去左日本食咁。当然整得咁靓，紧系相机先食喇一个set, 前菜就有酱油萝卜同埋味付螺肉。萝卜整得好入味，而且忟得好冧，好快就比我清左。螺肉就好新鲜弹牙，味道唔会太咸，刚好。面豉汤虽然普通左啲，但岩晒唔好太浓味既我。最重要当然系讲个饭丼喇。嗜海胆既我一见到成板海胆就留晒口水。一板既系韩国海胆，味道系清甜而且鲜味够，筷子夹唔会夹散，最重要系冇腥味，啫系咩呀？一个字呀：新鲜。日本海胆份量虽然冇韩国海胆咁多，但甜度俾韩国胆更优胜。至于两大只赤虾，虾肉爽口清甜，啜埋个头，鲜味洋溢，鲜味直情系喺个喉咙顶度徘徊。个丼入而亦有葱花吞拿鱼碎， 剁碎左既吞拿鱼连埋葱花豉油饭一齐放入口
店铺门口不大，一不留神都会行过左。铺内亦最多只可容立16位顾客。
店内挂有日本字黑板及木板，不失日本风味。
主要就有九种饭丼选择，我地纠结左好耐最后拣左沢豊云丹丼同二重鳗丼。
沢豊云丹丼
9 浏览
0 赞好
0 留言
讲返个丼先，黎到果时我地都吓左一跳。可以讲真系色。香。味俱全。师傅砌得好靓，好有心机，十足十真系去左日本食咁。当然整得咁靓，紧系相机先食喇
一个set, 前菜就有酱油萝卜同埋味付螺肉。萝卜整得好入味，而且忟得好冧，好快就比我清左。螺肉就好新鲜弹牙，味道唔会太咸，刚好。面豉汤虽然普通左啲，但岩晒唔好太浓味既我。
最重要当然系讲个饭丼喇。嗜海胆既我一见到成板海胆就留晒口水。一板既系韩国海胆，味道系清甜而且鲜味够，筷子夹唔会夹散，最重要系冇腥味，啫系咩呀？一个字呀：新鲜。日本海胆份量虽然冇韩国海胆咁多，但甜度俾韩国胆更优胜。至于两大只赤虾，虾肉爽口清甜，啜埋个头，鲜味洋溢，鲜味直情系喺个喉咙顶度徘徊。个丼入而亦有葱花吞拿鱼碎， 剁碎左既吞拿鱼连埋葱花豉油饭一齐放入口，口感丰富。丼内亦配左啲紫姜比怕腥既人食。不过除左鲜味，我一啲都食唔到腥味㖞
二重鳗丼
22 浏览
0 赞好
0 留言
朋友叫左二重鳗丼，佢有两大条鳗鱼在丼内，蒲烧鳗鱼长过手掌，烧得好香，加上鳗鱼汁味，甜得黎惹味。而海鳗食落软绵绵，又系好甜好好味。
两个丼黎讲确实一流，睇样已经令人食指大动。清完果set之后, 更令人回味。埋单之后，听到旁边地食客询问，先个原来有一只手捉虾食活动，老板娘话最高纪录系一只手拿到13只赤虾，最后唔知果位同五位女士黎既男士，捉到几多只呢。下次再黎我地一定要玩呀～
张贴
