牛牛日式火鍋放題 (北角匯二期)

营业中

休息中

今日同男朋友去北角睇戏，睇完戏嘅时候已经够钟食饭。所以我哋即刻喺网上面揾到喺一间睇戏院附近食打边炉放题嘅餐厅。而且comment几好！所以就决定咗今晚系打边炉之夜😍餐厅嘅环境好干净，喺自助区嘅食物排得好整齐，劲吸引😍但最满足嘅系，呢间餐厅可以系一人一锅。咁我同男朋友就可以分别食唔同嘅汤底☺️我就叫咗💯 胶原猪骨锅‼️呢个真系劲鲜甜！而且有好重嘅猪肉味😍口感有满满嘅骨胶原喺入面，呢个汤底完全系女人嘅恩物。真系大爱😍💯丹麦豚腩肉‼️超香浓的猪骨锅配猪腩肉片，真系双重享受😎。猪腩片切得好薄，放落汤到渌一渌，完完全全吸收左汤嘅精华！好好食😋💯丸‼️平时最唔吸引嘅丸，嚟到呢度就好有惊喜！唔单止选择嘅种类有好多，而且全部都超级鲜味，口感仲非常弹牙！打边炉真系唔可以少咗佢👍🏻💯关东寿喜烧锅‼️呢个系男朋友叫嘅汤底，佢话佢钟意食浓味野，所以一定系叫寿喜烧🤣正如我男朋友所讲，好清嘅汤底，但味道非常浓郁😍用佢嚟打边炉真系好正😋💯丹麦王样牛小排‼️呢个又系好有惊喜，肉同雪花嘅比例啱啱好。而且厨师将佢地切到好薄。只系需要放入个汤入边渌一阵就食得。有非常香嘅牛肉味，而且好多汁。口感一啲都唔靭。正‼️‼️‼️